Jetisý oblysynda jol-kólik oqıǵasy saldarynan eki polısıa qyzmetkeri qyzmettik mindetin atqarý barysynda qaza tapty. Bul týraly İshki ister mınıstri Erjan Sádenov málimdedi.

— Qyzmettik boryshyn óteý kezinde jol apatynan qaza tapqan Jetisý oblysy Polısıa departamentiniń qyzmetkerleri — polısıa maıory Arnur Alhanov pen polısıa aǵa leıtenanty Shyńǵys Asylbekovtyń týystary men jaqyndaryna kóńil aıtamyn. Olardyń esimderi áriptesteriniń jadynda máńgi saqtalady, — dedi mınıstr.

Sádenovtiń aıtýynsha, İshki ister mınıstrligi qaza tapqan qyzmetkerlerdiń otbasyna qajetti kómek kórsetedi.

Aıta keteıik, buǵan deıin Batys Qazaqstan oblysy, Báıterek aýdanyna qarasty Dostyq aýylynda polısıa qyzmetkeriniń máıiti tabylǵany habarlanǵan. Aldyn ala málimet boıynsha, ol ózine-ózi qol jumsaǵan.