Qytaı, Reseı jáne Irannyń áskerı-teńiz kúshteri Ońtústik Afrıkanyń Keıptaýn mańynda bir aptaǵa sozylatyn birlesken teńiz jattyǵýyn ótkizýde. Jattyǵýlar AQSH-tyń Venesýelaǵa aralasýy men venesýelalyq munaı tasymaldaıtyn tankerlerdi tárkileýine baılanysty geosaıası shıelenis kúsheıgen tusta ótýde.
BRICS aıasynda uıymdastyrylǵan bul jattyǵýlar teńiz qaýipsizdigi men qaraqshylyqqa qarsy is-qımyldy pysyqtaýǵa baǵyttalǵan. Qytaı, Reseı jáne Ońtústik Afrıka — BRICS-tiń burynnan kele jatqan músheleri, al Iran bul uıymǵa 2024 jyly qosylǵan.
Jattyǵýlar AQSH pen Ońtústik Afrıka arasyndaǵy qarym-qatynasty odan ári shıelenistirýi múmkin. Vashıngton Pretorıany Iran jáne Reseımen áskerı yntymaqtastyǵy úshin synǵa alyp keledi. Al Ońtústik Afrıka óz kezeginde beıtarap, kópvektorly syrtqy saıasat ustanatynyn málimdeýde.
