Astana soty Dáýlet pen Tolqyn Totaqanovany asa iri kólemde alaıaqtyq jasap, qylmystyq jolmen alynǵan qarajatty zańdastyrdy dep tanydy. Tergeý málimetteri boıynsha, erli-zaıytylar aýyr naýqas balasynyń emdelýine qarajat jınaǵan, alaıda 1,3 mlrd teńgeden tek 6,4 mln teńgesi ǵana naqty emge jumsalǵan. Qalǵan jınalǵan qarajatty jarnamalaýǵa, jyljymaıtyn múlikke, kólikterge jáne qumar oıyndarǵa jumsaǵan. 

Prokýror árqaısysyn jeti jylǵa bas bostandyǵynan aıyrýdy suraǵan, al Tolqynnyń jas balasy bar ekenin eskere otyryp, jazany eki jylǵa keıinge qaldyrý usynyldy. Sot bul talapty qanaǵattandyra otyra árqaısysyna jeti jyl túrme jazasy taǵaıyndaldy, Tolqyn Totaqanovanyń jazasy eki jylǵa keıinge shegerildi. Sonymen qatar, olarǵa on jyl boıy qaıyrymdylyqpen aınalysýǵa jáne donorlyq qarajat jınaýǵa tyıym salyndy, múlikteri tárkilendi.

Sońǵy sózinde Tolqyn Totaqanova qarajatty tek balasynyń emdelýine jumsaǵanyn aıtyp, ózin paıyzdyq zaım berýshilerdiń qurbany dep atady. Sottalýshy óziniń jubaıynyń aqshany jumsaýǵa qatyspaǵanyn jetkizdi.

Aıyptalýshy sottan ózderine jeńil jazany nemese ótemaqy kóleminde taǵaıyndaýdy surady.