AQSH prezıdenti Donald Tramptyń Grenlandıaǵa qatysty Eýropaǵa baǵyttalǵan tarıfterden bas tartatynyn jáne «bolashaq kelisimniń negizi» qalyptasqanyn málimdeýinen keıin álemdik naryqtarda oń serpin baıqaldy. Bul habar ınvestorlardyń geosaıası táýekelderge qatysty alańdaýshylyǵyn báseńdetti.

AQSH-ta Dow Jones, S&P 500 jáne Nasdaq ındeksteri 1%-dan astam ósip, aptanyń basyndaǵy quldyraýdyń bir bóligin ótedi. Fúcherster de joǵarylady. Tramp Davosta ótken forýmda Grenlandıany kúshpen alýǵa nıeti joq ekenin aıtyp, kelissóz jolyn tańdaǵanyn jetkizdi.

Azıa naryqtary da osy jańalyqqa oń jaýap berdi. Ońtústik Koreıanyń Kospi ındeksi alǵash ret 5 000 deńgeıinen asyp, Japonıa men Avstralıa bırjalary da ósim kórsetti. Sarapshylar bul jaǵdaıdy «naryqtaǵy qysymdy azaıtqan saıası sıgnal» dep baǵalap otyr.