Syrdarıa ózenine jaqyn ornalasqan Ońtústik Qazaqstan oblysynyń Arys aýdany Qojatoǵaı aýylynyń jaıylymdyq jerlerin sý basty. Bul týraly Azattyq tilshisine oblystyq tótenshe jaǵdaılar departamentiniń baspasóz qyzmetinen málimdedi.

Departamenttiń habarlaýynsha, Kóksaraı sý rettegish shlúzi mańyn seń basqan. Shardara sý qoımasynan qazir Syrdarıa ózenine sekýndyna 900 tekshe metr sý aǵyp kelip jatyr. Osynyń saldarynan Arys aýdany Qojatoǵaı poselkesiniń jaılymdyq jerlerin sý alǵan. Osy mańdaǵy bógette de sý deńgeıi kóterilip, seń paıda bolǵan. Bógetti nyǵaıtý úshin 3 júzden asa adam tartylyp, 23 tehnıka jumyldyryldy. 12 myń qum salynǵan qaptar tasylyp, damby jasaldy. Tótenshe oqıǵaǵa baılanysty arnaıy komısıa qurylyp, Syrdarıadaǵy sý deńgeıi baqylaýǵa alynǵan. Biraq áli de bolsa Kóksaraı sý rettegishiniń basty torabynan Qojatoǵaı aýylyna deıin jáne aýyldan Qyzylorda oblysynyń shekarasyna deıin ózenniń betinde muz qatyp tur. «Alaıda odan eldi mekenderge tónetin qaýip joq, bógetti bekitý jumystary áli jalǵasyp jatyr, mamandar muzdy qaı tustan jarý kerektigin anyqtaýǵa kiristi" deıdi tótenshe jaǵdaılar departamentiniń ókili.

"Azattyq radıosy"