«KMF» mıkrokredıttik uıymy «KMF-Demeý» korporatıvtik qorynyń qoldaýymen «Qazaqstan halqynyń qarjylyq saýattylyǵyn arttyrý» jobasyn iske qosýda. Ol aǵymdaǵy jyldyń ishinde júzege asyrylatyn bolady, dep habarlaıdy kompanıanyń baspasóz qyzmetinen.

KMF kompanıasynyń 2013 jyldyń sáýir aıynda júrgizgen zertteýleriniń nátıjelerine sáıkes, kóptegen qazaqstandyqtardyń qarjy salasyndaǵy bilimderi osy turǵydan durys sheshimder qabyldaý úshin jetkiliksiz bolyp jatady eken. Al, adamdardyń qarjylyq qyzmetterdi paıdalaný deńgeıi jyldan jylǵa artyp keledi.

Jobanyń maqsaty - tabysy tómen otbasylardyń qarjylyq jaǵdaıynyń deńgeıin, qarjy salasyna qatysty bilimderin olarǵa semınarlarǵa tegin qatysýǵa múmkindik berý arqyly kóterý.

Joba árbir jan ózdiginen ıgerýi tıis 10 semınardan turady ol jáne azamattarǵa ózderin tolǵandyratyn qarjylyq máselelerge tolyqqandy jaýapty usynýǵa negizdelgen qarjylyq saýattylyqty arttyrýdyń ınovasıalyq baǵdarlamasy túrinde ázirlengen. Ol qazaq jáne orys tilderinde, mysaldarmen, kestelermen bezendirilip berilgen.

Osy turǵydan, qazirgi tańda «KMF» mıkrokredıttik uıymynyń klıentteri úshin 10 000 astam semınarlar, isin jańadan ashqan kásipkerler men stýdentter úshin 100-den astam kezdesýler men qarjylyq jáne basqa da sharalarda 30-dan astam trenıńter ótkizý josparlanyp otyr.

"QazAqparat"