Búgin Almatyda "Jeltoqsan aqıqaty" uıymynyń úsh ókili 15 aqpanda devalvasıaǵaqarsylyq aksıasyna shyqqany úshin ákimshilik sot sheshimimen qamalǵan azamatqa qoldaý bildirý maqsatynda Lobachevskıı kóshesinde ornalasqan abaqtyǵa bardy. Azattyq tilshisiniń habarlaýynsha, belsendiler qamaýdaǵy azamatqa ózderi ákelgen gúldi de tapsyrmaq bolǵan. Biraq jabyq mekeme qyzmetkerleri "abaqtynyń perzenthana emes ekenin" aıtyp, gúlderin qabyldaýdan bas tartty. Budan soń abaqty aldynda az-kem ýaqyt turǵan belsendiler tarqap ketti. Almatyda 15-16 aqpan kúnderi keıbir azamattar teńge devalvasıasy men qymbatshylyqqa qarsylyq bildirip, kóshege shyqqan. Eki kún ishinde qyryqqa jýyq adam ustalyp, olardyń bireýi sot sheshimimen 10 táýlikke qamaldy, ustalǵandardyń kópshiligine ákimshilik aıyppuldar salyndy. Aqpannyń 11-i kúni Qazaqstan Ulttyq banki ulttyq valúta - teńgeniń AQSH dollaryna shaqqandaǵy burynǵy baǵamyn ustap turýdan bas tartqan soń, teńgeniń baǵamy kúrt túsip ketti. Sol kúnge deıin 155-156 teńgeniń tóńireginde bolǵan 1 AQSH dollarynyń baǵamyn Ulttyq bank 185 teńge dep belgilegen edi.

"Azattyq  radıosy"