QR Prezıdenti Nursultan Nazarbaev mıllıondaǵan qazaqstandyqtardyń jáne jeke óziniń atynan Denıs Tendi Sochıde ótip jatqan XXII qysqy Olımpıadalyq oıyndarda qola medal jeńip alýymen quttyqtady. Bul týraly 

  baspasóz qyzmetinen habarlady. «Bizdiń bárimiz álemniń eń úzdik mánerlep syrǵanaýshylary arasyndaǵy tartysty básekege ulasqan muz aıdynyndaǵy seniń ónerińdi demimizdi ishke tarta otyryp baqylaýmen boldyq. Sen bizdiń úmitimizdi aqtap, elimiz tarıhynda alǵash ret sporttyń osy túrinen olımpıadalyq nagradany jeńip aldyń», - delingen quttyqtaý jedelhatynda. Sońynda Memleket basshysy D.Tenge zor densaýlyq jáne sport salasynda jańa tabystar tiledi. Esterińizge  sala  keteıik,  Denıs Ten Sochıde  ótip  jaqan  HHİİ Qysqy  olımpıadada  mánerlep  syrǵanaý boıynsha qola júldeger atanyp, el  quramasyna alǵashqy  medaldi  áperdi. Denıs Ten Sochı olımpıadasyna deıin 2011 jyly Astana men Almatyda ótken Azıa oıyndarynda - altyn, 2013 jyly Kanadada ótken álem chempıonatynda kúmis medal alǵan. Ol Sochı olımpıadasynda utqan qola júldesi úshin Qazaqstan úkimetinen

 syıaqy alady. Denıs Tenniń qola júldesi - Qazaqstan úshin Sochıdegi alǵashqy medal. Qazir Qazaqstan jalpykomandalyq esepte 25-orynda tur.