Qazaqstanda halyqtyq kólik atanyp ketken, ári baǵasy da asa qymbat emes keıbir jeńil kólikterdiń syrttan ákelýine tyıym salyndy, dep habarlaıdy Tengrinews.kz"Kolesa" portalyna silteme jasap. Bul sanksıa Kedendik odaqtyń "Kólikterdiń qaýipsizdigi týraly" tehnıkalyq reglamentine engizilgen keıbir ózgeristerge baılanysty júzege asty. Jańa ózgeristerge baılanysty syrttan ákelinetin jańa kólikterde keminde bir dana qaýipsizdik jastyqshasy, tejegishtiń ABS júıesi, nárestelerge arnalǵan ISOFIX oryndyǵy jáne ımmobılaızeri bolýy shart. Al ózbek elinde shyǵarylǵan Daewoo Nexia men Daewoo Matiz markaly kólikterde bul talaptardyń biri joq. Uz Daewoo Qazaqstan ókiliniń sózine qaraǵanda, Nexia men Matiz kólikteri aǵymdaǵy jylǵy qańtardyń 5-inen bastap Qazaqstanǵa múlde ımporttalmaǵan. "Dál qazirgi ýaqytta qazaq eli aýmaǵyna ótken jyldary ákelingen kólikter ǵana satylyp jatyr. Al bolashaqta kórsetilgen talaptardan ótý úshin "Nexia" ataýyn "Gentra" dep ózgertip qana qoımaı, halyqaralyq talaptarǵa saı qondyrǵylardyń barlyǵyn ornatýdy da kózdep otyrmyz", - dedi avtodıler. Aıta keteıik, 2013 jyly Qazaqstanda Nexia-nyń 10 myń, al Matiz-diń 13 danasy satylǵan. Qaýipsizdik jastyqshasy joq LADA 4×4 jáne UAZ kólikterine qatysty talaptar 2015 jyldan bastap júzege asyrylatyn bolady. LADA 4×4 jáne UAZ-ǵa da qoıylǵan talaptyń bir jylǵa keıinge shegerilýine bul kólikterdiń Kedendik odaq aýmaǵynda shyǵarylǵandyǵy áser etse kerek. kaz.tengrinews.kz