Túriktiń ataqty oıshyly, ıslam ǵalymy Fetýllah Gúlen, 13 qarasha kúni Fransıa astanasy Parıjde oryn alǵan jarylysty qatal synǵa alyp, kóńil aıtý hatyn jarıalady. F.Gúlen óz hatynda kez kelgen terrorlyq áreket qaı jerde jáne qandaı maqsatpen uıymdastyrylsa da, adamzat úshin asa qaýipti ári úlken kúná ekendigin jazǵan. Bul týraly «Qamshy» portaly Cihan.com.tr–ge silteme jasap habarlaıdy.

 « ....  13 qarasha, juma kúni keshkilik Parıjde oryn alǵan qaıǵyly oqıǵaǵa óz kóńilimdi bildiremin. Qaı jerde jáne kimder tarapynan uıymdastyrylsa da  kez kelgen terrorlyq áreket tynyshtyqtyń irgesin sógip, beıbit turǵyndardyń berekesin ketiredi. Osyǵan sáıkes, Fransıada bolǵan terrorlyq áreket, tek qana fransýz halqyna emes, jalpy adamzatqa jasalǵan, adamı qundylyqtarǵa jasalǵan qıanat», -  dep jazǵan óz hatynda F.Gúlen.

Máseleniń mán jaıyn ashyp jazar bolsaq, ótken aptada Fransıada terrorlyq áreket oryn alǵan bolatyn. Sońynan belgili bolǵandaı, 130-dan astam jazyqsyz jandardyń ómirin jalmaǵan Parıjdegi terrorıst-sodyrlarlardyń qolymen júzege asyrylǵan jarylysty ISHIM uıymy óz moınyna alǵan bolatyn.

«Qandaı sebeppen jáne qandaı maqsatta uıymdastyrylsa da, eshqandaı da terrorlyq áreketterdiń aqtalmaıtyndyǵyna taǵy da nazar aýdartamyn. Jazyqsyz jandardyń ajal qushýlaryna sebep bolǵan barlyq terrorlyq áreketterge laǵnet bolsyn!

Qurban bolǵandardyń otbasylaryna, jaqyndaryna jáne Fransıa halqyna qaıǵylaryna ortaqtasyp, kóńil aıtamyn.

Uly Jaratýshymyz barlyq adamzatty beıbitshilik pen tynyshtyqsyn dep tileımin. Barsha jandy da osyǵan tilektes bolýǵa shaqyramyn», -  dep bitirgen sóziniń sońyn Islam ǵulamasy. «Musylmannyń terrorıst bolýy múmkin emes, terrorıst te musylman bola almaıdy», -  dep álemde terorızmge oryn joq ekendigin aıtýdan tanbaı, terorızmdi túbimen qurtýǵa úndep kelgen ǵalymnyń bul haty nazardan tys qalmady.

Baýyrjan Karıpov