Astana ákimi Ádilbek Jaqsybekov tórt aı buryn Astanada lańkestik oqıǵanyń aldy alynǵanyn málimdedi, - dep habarlaıdy «Qamshy» portaly Tengrinews.kz-ke silteme jasaı otyryp.

«Lańkestikke qarsy jumystar búgin birinshi orynǵa shyǵyp otyr. Teraktiler tek Parıjde ǵana bolady dep oılamaýlaryńyz úshin aıta keteıin, Ulttyq qaýipsizdik komıteti osynda, qalada tórt aı buryn jasyrynǵan úlken topty áshkereledi. Olar Astanada terakt josparlaǵan eken»,- dedi Á. Jaqsybekov zańdylyq pen quqyqtyq tártipti qamtamasyz etý, qylmyspen kúres jónindegi úılestirý keńesiniń otyrysynda. Muny aıtpas buryn ol jarıalaýǵa bola ma dep UQK ókilinen ruqsat surady. Ol «Bul buǵan deıin BAQ-ta jarıalanǵan» dep naqtylady.

Sondaı-aq, ákimniń aıtýynsha lańkestikti tek jedel árekettermen, quqyqqorǵaý organdarynyń jumysymen jeńý múmkin emes, ol úshin qoǵamdyq oryndarda beınebaqylaýlar ornatyp, baqylaýdy kúsheıtý qajet.