Sochıde 23 aqpanda olımpıada alaýy sóndirilip, qysqy sport oıyndarynyń jarysy aıaqtaldy. Fısht stadıonynda ótken olımpıadanyń jabylý saltanatynda Máskeý teatrynyń balet toby óner kórsetip, kompozıtor Rahmanınovtyń shyǵarmasy oryndaldy, sportshylar parady ótti. Halyqaralyq olımpıada komıtetiniń prezıdenti Tomas Bahtyń aıtýynsha, Sochıde sportshylar men jankúıerler úshin "erekshe jaǵdaı" jasaldy. Bah sport arenalary, Olımpıada qalashyǵy sapasyn joǵary baǵalap, olımpıadanyń "minsiz uıymdastyrylǵanyn" aıtty. Olımpıadanyń daıyndyǵyna 51 mıllıard AQSH dollaryn jumsaǵan Reseı bıligi oıyndar halyqaralyq deńgeıde eldiń jańa beınesin qalyptastyrýǵa septigin tıgizgenin málimdedi. Reseı olımpıada qorytyndysynda medal sany boıynsha 33 medal, onyń ishinde 13 altyn júldemen birinshi oryndy ıemdendi. Reseıden keıingi ekinshi jáne úshinshi oryndardy Norvegıa men Kanada aldy. Kelesi qysqy olımpıada oıyndary 2018 jyly Ońtústik Koreıanyń Phenchhan qalasynda ótedi.

Azattyq radıosy