Ýkraınada oqyp júrgen «Bolashaq» stıpendıattary Qazaqstanǵa oraldy. Bul týraly «QazAqparat» tilshisine «Halyqaralyq baǵdarlamalar ortalyǵy» AQ-dan habarlady.

Aıta keteıik, «HBO» AQ Qazaqstandaǵy «Bolashaq» baǵdarlamasynyń negizgi operatory bolyp tabylady.

 «Kıev qalasynda Ýkraına Ulttyq tehnıkalyq ýnıversıtetinde, Kıev polıtehnıkalyq ınstıtýtynda 7 stıpendıat «Bolashaq» baǵdarlamasy boıynsha bilim alyp jatyr. Tártipsizdikter oryn alyp jatqan kezeńde olarǵa turatyn jerlerinen shyqpaýǵa keńes berilgen bolatyn. Qazirgi ýaqytta stýdentter Qazaqstanǵa oraldy jáne mindetti óndiristik tájirıbeden ótýde», - delingen habarlamada.

 «HBO» AQ málim etkenindeı, 7 stýdenttiń barlyǵy 2009 jyly bakalavrıat boıynsha oqýǵa barǵan.  Qazaqstan Konsýly Denıs Kımniń bergen aqparaty boıynsha, Ýkraınada 177 qazaqstandyq stýdent oqyp júr. Jalpy qazirgi ýaqytta Ýkraınada 1287 Qazaqstan azamaty turaqty mekenjaı boıynsha turyp jatyr.

"QazAqparat"