Jırınovskıı, Jırınovskıı deımiz. Onyń sózi kim, ózi kim? Bizdiń Ahmetbekov, Kosarev, Amantaı - Attan deńgeıindegi kloýn emes pe ol? Qazir bir sóz, odan keıin basqasha sóıleıdi. Bir sózben aıtqanda, aıtatyny - sandyraq sóz. Biz basqa nársege nazar aýdaraıyq: qazaqta shegara bolmaǵan buǵan deıin degen kim? Ózimizdiń basshymyzdyń ózi solaı aıtyp otyrsa, Jırınovskıge nesine renjımiz? Keıin oǵan ózi de oılanǵan bolar, qazir ondaı aıtpas, al bolashaqta bulaı aıtqan kez kelgen adamdy sottaıtyndaı deńgeıge jetý kerek! Aqparattyq qaýipsizdikti Reseıdiń qolyna ustatyp qoıǵan kim? Qazir osy eldiń ishinde otyrǵan siz ben bizdiń sózimizden, bolmasa, bildeı bir mınıstrdiń sózinen góri Jırınovskıdiń aıtqany tez taraıdy, elde qoǵamdyq pikir týdyrady! Nege? Ne sebepti, biz Ýkraınadaǵy jaǵdaıǵa Reseı aqparatynyń kózimen qaraımyz? Men úshin, máselen, Jırınovskıı de bir, ásireultshyldyq úshin 77 adamdy jaıratqan Breıvık te bir! Biraq, Breıvık qylmysyn jasamaıynsha, ondaıdyń baryn da bilmeımiz. Al sheteldegi Jırınovskıı sózi kúnde qulaǵymyzda turady! Osynyń barlyǵyn qoldan tapsyryp qoıǵan kim? Jáne ony qalaı túzeımiz? Al budan bylaı, Jırınovskıı, Lımonov, Knázev sıaqtylardy múldem efırge shyǵarmaý, Qazaqstanǵa kirgizbeý kerek! Sol sıaqty Kreml ıdeologıasyn kúndiz - túni bizdiń aqshamyzǵa taratyp jatqan Eýrazıa tárizdi arnalardy Qazaqstan aýmaǵynda taratýdy toqtatý kerek!

    Eger kúni erteń Qazaqstan bıligi Jırınovskıı men Lımonovtardyń málimdemesine qatysty qatań talaptar qoıyp, ol ekeýin elge kirgizbeý týraly sheshim shyǵarmasa, Reseıge bizden keshirim surata almasa jáne kedendik odaqtan shyǵatynyn málimdemese, Aqorda sol pozısıamen kelisken bolyp shyqpaı ma?!