«Belgili ánshi Maqpal Isabekova ótken demalysta 30 jasqa tolǵan týǵan kúnin toılady. Toıǵa shaqyrylǵandardyń qatarynda tanymal ánshi Qaırat Nurtas ta boldy. Isabekova onymen birneshe bı bıledi» dep habarlaıdy Total.kz tilshisi.

21 aqpan kúni ánshini quttyqtaýǵa dostary men áriptesteri – ánshilerden Álı Oqapov, Aıqyn, Lıdo, Dılnaz Ahmadıeva jáne «Orda» tobynyń bıshisi Erbolat Bedelhan keldi. Isabekova týǵan kúnin qalaı toılaǵany týraly barlyq esepti Instagram jelisine salypty. Beıneúzikterdiń birinde ánshi qyz Qaırat Nurtaspen «shashyp» bılep júr, al ánshi jigit týǵan kún ıesine arnap Stas Mıhaılovtyń «Armanymdy kúl-talqan ettiń» – «Ty razrýshıla mechty» ánin oryndady. Bıden soń jigit qyzdyń betinen súıdi.

Maqpal Isabekova quttyqtaý tilekter men syılyqtardy qabyldap jatqanda onyń qonaqtary da qur otyrmady. Mysaly, Aıqyn men Álı Oqapov Maıkl Djeksonnyń áıgili bılerin bılese, Dılnaz Ahmadıeva ózgelerdi óziniń pańdyǵymen tańǵaldyrdy.

"Aqjúnis.kz"