Jırınovskııdiń "usynysyn" jetpisten asqan shaldyń kezekti sandyraǵy der edim. Ol jastardy ásireultshyldyqqa shaqyrýy arqyly Reseı ımperıasyna or qazyp otyr. Iakı, federasıanyń ydyraýynyń bastamasy bul. Sondyqtan, Jırınovskıı arakidik Qazaqstanǵa qatysty sóılegen saıyn lázzat alyp otyramyn. Dál sonyń jasyndaǵy komýnıstik tárbıeni kórgen, KSRO dese, janyn saǵynysh sezimi bıleıtin qurdastary senatta, taǵy basqa bıliktiń ár salasynda otyr. Almatynyń almasyn birge jep ósken dostary ǵoı olar. Sondyqtan olardan, ıaǵnı KSRO-ny túletpekshi bolyp júrgen, Keden Odaǵyn qoldaýshylardan "persona - non grata jarıala" dep suraý óte kúlkili. "Suraǵan sen aqymaq pa, suratqan han aqymaq pa?" degen sıaqty nárse. Bir basylymda "V. Jırınovskııge kúlýge bolmaıdy, Gıtler de osylaı bastaǵan, sońy nege aparǵanyn bilesizder ǵoı" degen syńaıda jazypty. Iá, nege aparǵanyn bilemiz. Byt-shyt bolyp kúırep qaldy nasıstik Germanıa. Sosyn Gıtler ol kezde qylshyldaǵan jas bolatyn. Al, Jırınovskıı - qaýsaǵan shal. Gıtlerdiń artynan buqara jappaı erdi. Reseı derevnálary samogonnan bas kóterip, jınalýy múmkin emes. Bizdiń elge Reseı tarapynan áskerı qaýip tónbeıdi. Iadrolyq qarýymyzdy joıar kezde AQSH, Eýropa elderi jáne basqa da alpaýyt memleketter Qazaqstannyń terıtorıalyq tutastyǵyna kepil bolatyn qujatqa qol qoıǵan. Qandaı da bir syrtqy qaýipten olar qorǵaýǵa daıyn. Jalǵyz qaýip bar. Ol - elimizdiń soltústik óńirlerindegi qarapaıym orystardyń eki azamattyǵynyń bolýy. Soltústik Osetıa men Abhazıany osy tásilmen ózderine qaratty reseılikter. Qazir de Ýkraınanyń ońtústigindegi, Qara teńiz jaǵasyndaǵy Sevastovpolde de osy jaǵdaı qaıtalanyp jatyr. Biz bul qaýiptiń aldyn alý úshin Qytaı men Mońǵolıa qazaqtaryn sol jaqqa jappaı kóshire berýimiz kerek. Ultarazdyq qaqtyǵystar oryn almasy úshin ara aǵaıyn bolatyn OQO, jáne Qyzylorda oblysynan qandastarymyzdy sol jaqqa birtindep qonystandyra bergenimiz jón bolar.
Aıdos Juqanuly
Táýelsiz jýrnalıs
"Qamshy" silteıdi.
