Satyp jatyr, satyp jatyr barlyǵyn,

Satyp jatyr, aryn qosa arlynyń.

Aıtar bolsam eń sumdyǵyn azaptyń,

Birge satqan qara kózin qazaqtyń.

Kereksizin aıyra almeı kerekten,

Dinin, Tilin, baıaǵyda qor etken.

Bárin satyp jatyr myna teksizder,

Bárin satyp jatyr myna betsizder.

Tanaýynyń astynan qur mińgirler,

Aryn satyp jatyr myna  «shúldirler»,

Ar men uıat baıaǵyda joǵalǵan,

Aıtshy halqym, satylmaǵan ne qalǵan?

Sen, qurısyń, namysty ult bolmasań,

Dúr silkinip endi atyńa qonbasań!

Qaıran halqym, bári de kesh bolmaı ma?..

Bir kezdegi jer qaıysqan qol qaıda?..

BÚKİL QAZAQ QALMAI MA ÓZİ TOTIYP?..

Búgin qazaqtyń jeri jappaı satylymǵa shyǵaryldy. Aýksıonnyń alǵashqy kúninde memleket búdjetine 1,5 mlrd qarjy túsken. Bul týraly abai.kz  portalyqazaquni.kz saıtyna silteme jasaı otyryp habarlaıdy. Oqyrmannyń esinde bolsa, 100 mln.ga qazaq jeri aýksıonda satylatyny týraly jazǵan edik:http://abai.kz/post/view?id=4789. Sonyń alǵashqy «nátıjesi» 1,5 mlrd teńge bolsa kerek.  

Kileń ury, taǵy esirip, jelikken,

Baı-baǵlany - asyp, tasyp erikken.

Altyn, kúmis... nebir qymbat asyldar

Qur baqyrǵa satylýda nelikten?..

En baılyqtan isip jáne qusyp bar,

Bir-birine deıdi taǵy «ship qal»

Urlap, jyrlap, 24 ishinde

«Daǵdarysty» oılap tapqan  «pysyqtar».

Anaý noqaı aıýlardan «dosy» bar,

Ult baılyǵyn tonap jatqan osylar.

Bul urylar  - kór tishqanǵa aınalyp,

Bir-birimen in arqyly qosylar.

Momyn qazaq - taǵdyrymen oınaıtyn,

Jeke bastyń qamyn ǵana oılaıtyn,

Alyp jatyr, asap jatyr, jep jatyr,

Bul urylar - netken tajal toımaıtyn?

Taǵy neńdi alady olar qaı qyrdan?

Jol taba almaı qazaq qana qaıǵyrǵan...

Búkil qazaq qalmaı ma eken totıyp,

Bar baılyqtan tuttaı bolyp aırylǵan?..

TÓZESİŃ BUǴAN QASHANǴY?..

Kelimsekterge unaǵan,

Qazaqty ǵana synaǵan,

Ultymnyń aýyr kúıine

Kináli jalǵyz bir adam.

Qazaqtyń Dinin qorlaǵan,

Qazaqtyń Tilin qorlaǵan,

Bárine bunyń kináli

Bizdegi sol bir ońbaǵan.

Qaldyrmaı tuıaq qoradan,

Baılyǵyn ulttyń tonaǵan,

Bárine bastan kináli,

Túsinseń ultym, bul adam.

Tutas ult kózge jas aldy,

Túsinbeı anaý qasardy.

Qaıran da meniń Qazaǵym,

Tózesiń buǵan qashanǵy?..

 Jumash Kókbóri