Men eki uǵymdy túsine almaı kelemin. Biri-jyl mezgilderi, ekinshisi- táýlik. Bizdi oqytqanda tórt jyl mezgili bolady: qys, kóktem, jaz, kúz, táýlik- kúndiz ben túnnen turady dep oqytty. Biraq... ómirde bir jylda eki qys, bir táýlikte eki tún bolyp júr. Bul qalaı?

         Túsindire almadym ba? Basynan bastaıyn. 2015 jyl qańtardyń 1-nen bastaldy. Qańtar degenimiz qystyń aıy. Odan keıin aqpan, ol da qystyń aıy. Sodan soń kóktem aılary, naýryz, kókek, mamyr. Ári qaraı jaz: maýsym, shilde, tamyz, kúz: qyrkúıek, qazan, qarasha. Sosyn jeltoqsan. Qystyń basy, biraq áli 2015 jyl. Ne bolyp ketti! Sonda bir jylda eki qys... al túsinip kór!?

         Endi táýlik. Keshe 10-jeltoqsan, búgin 11-jeltoqsan. Ap-anyq sıaqty. Túnde saǵatqa qarasam, 11-jeltoqsan dep tur. Shynynda 10-jeltoqsannyń túni, biraq túngi 12-den keıin 11-jeltoqsan bastalyp ketken. Keshke taǵy 11-jeltoqsannyń túni bastalady. Sóıtip, 11-jeltoqsan «tún-kúndiz-tún» bolyp tur. Taǵy da..., bir táýlikte eki tún.

         Psıhologqa kórinýim kerek sıaqty.

Meńdibaı İzturǵanuly