Elimizdiń Táýelsizdigi kúni qarsańynda OQO, Tóle bı aýdanynda eki balabaqsha paıdalanýǵa berilip, 3 eldi mekenge tabıǵı otyn jetti. Bul týraly «Qamshy» portaly habarlaıdy.

         Atap aıtsaq, mereke aıasynda aýdan ortalyǵy Lenger qalasyndaeki birdeı 280 oryndyq jáne 75 oryndyqbalabaqsha el ıgiligine berildi. Atalǵan ortalyqtar zamanaýı úlgide salynǵan. Munda balalarǵa barlyq jaǵdaı jasalǵan.  Bóbekjaı zaman talabyna saı etip, qural-jabdyqtarmen qamtamasyz etilgen.

          Tólebı aýdanynda jalpy 43 balabaqsha jáne 31 mektep janynan ashylǵan shaǵyn ortalyq jumys isteıdi. Onyń 27-si memlekettik mekemeler bolsa, 16-sy jekemenshik balabaqsha.

Jalpy aýdanda «Balapan» baǵdarlamasy aıasynda 5940 búldirshin balabaqshaǵa baryp, balalardy mektepke deıingi mekememen qamtý kórsetkishi 80,2 paıyzdy qurady.

Bul kúni Tólebıdegi Kóksáıek, Qazaqstan, Jińishke eldi mekenindegi úsh myń otbasy, ıaǵnı, 15 myń turǵyn tabıǵı gazben qamtamasyz etildi.

2010 jylǵa deıin aýdan halqynyń 15 paıyzy ǵana kógildir otynǵa qol jetkizse, atqarylǵan júıeli jumystardyń nátıjesinde aýdannyń 36 eldi mekenindegi 95 706 turǵyn nemese jergilikti halyqtyń 82 paıyzy tabıǵı otynmen qamtyldy.

Jumystar munymen toqtamaıdy. Aýdan halqy 2017 jyldyń sońyna deıin tolyǵymen kógildir otynmen qamtamasyz etiledi dep josparlanýda.