Túrkistan qalasynda Táýelsizdiktiń 24 jyldyǵyna oraı, 24 ıgi is-sharasy uıymdastyrylypǵ ótkizilýde. Ulyq kúndi ulyqtaýǵa arnalǵan osy baǵdarlama aıasynda kıeli shahar turǵyndary 9 áleýmettik nysannyń ashylýyna kýá boldy. 

Munda azattyq merekesi memlekettik-jeke áriptestik aıasynda boı kótergen 120 oryndyq «Jan-Nur» balabaqshasynyń ashylý saltanatynan bastaý aldy.Aımaqtaǵy turǵyndardyń qýanyshyn eselegen áleýmettik nysan qala boıynsha balǵyndardy mektepke deıingi mekememen qamtý kórsetkishin 76,6 paıyzdan 77,12 paıyzǵa artýyna sep boldy.

Osyndaı ıgilikti is qala ortalyǵyndaǵy Ǵ.Músirepov kóshesinde jańadan salynǵan «Jastar men jasóspirimder ortalyǵy» ǵımaratynyń ashylýymen jalǵasyn tapty. Nysan keleshekte qala jastarynyń bas qosyp, keleli isterdi talqyǵa salatyn ordasyna aınalmaq.

Merekedegi basty qýanyshtardyń biri qaladaǵy kópqabatty 2 úıdiń ortalyq jylý qazandyǵyna qosylýy boldy. Túrkistandaǵy Tóle bı jáne Júsip Qydyr kósheleriniń qıylysynda ornalasqan kópqabatty qos úıKeńestik kezeńniń kúıreýine birge ushyrap, mundaǵy turǵyndar búginge deıin qatty otyn jaǵyp, páterin jylytqan. Bul jaǵdaıdy jiti baqylaýǵa alǵan qala ákimdigi bas-aıaǵy 2 jyl ishinde osy úılerdiń aldymen eskirgen aýyz sý máselesin sheshti.Budansońturǵynúıdijańǵyrtýbaǵdarlamasyboıynshaqosúıkúrdelijóndeýdenótip, oblys búdjetinen bólingen qarjyǵa jylý qazandyǵynan qubyr tartylyp, ondaǵy 122 páterge jylý jetti.

Budan bólek, qalanyń 6 baǵyttaǵy shyǵa beris kósheleri túgel jaryqtandyryldy. Sondaı-aq, ortalyq 6 kóshede jańadan elektr baǵanalary sap túzep, olardyń da mańdaıyna shamdar ornatyldy.

Endi Túrkistannyń súti oblys aýmaǵyndaǵy dúkenderde satylýy múmkin. Qalaǵa qarasty Qarashyq aýylynda ornalasqan «Turan» sharýa qojalyǵy sút ónimderin óndirmek. Buǵan deıin maqta egip, mata shyǵaryp, qala berdi maqta maıy men ózderiniń sý sabynyn naryqta saýdalap júrgen qojalyqta budan bylaı aǵarǵan shyǵarylady. Qosymsha 10 adamdy jumyspen qamtyp otyrǵan sehta jylyna 1800 tonna sút ónimderi óndirilip, jyldyq tabys kólemin 270 mln. teńgege jetkizý josparlanýda.

Mereke qarsańynda Túrkistan óńirin kesip ótken «Beıneý-SHymkent» magıstraldy gaz qubyrynan avtomattandyrylǵan gaz taratýshy stansasy jáne Eski Iqan aýylyna deıin gaz jetkizgish qubyrynyń qurylysy bitti. Aldaǵy ýaqytta bul gaz qubyrynan osy aımaqtaǵy 20 myńnan astam úsh aýyldyq okrýg turǵyndary tabıǵı gaz tutynýy tıis.

Budan bylaı Túrkistanda taza aýyz sýdan tarshylyq bolmaýy tıis. Egemendik kúni aıasynda Kentaý qalasynan Túrkistan shaharyna deıin kelgen qubyrdyń sý ótkizgish bóliginiń sý taratqysh qurylǵysynyń qurylysy tolyqtaı aıaqtaldy. Endigi jerde 160 myń turǵyny bar shaharǵa keletin aýyz sý kózinen aqaý shyqpaıdy. Kezeń-kezeńimen júrgizilgen qurylys jumystary 2013 jyldan bastaý alyp, osy jyly paıdalanýǵa berilip otyr.

Budan bólek, Táýelsizdikke tartý retinde qaladaǵy 30 myń halqy bar «Bekzat» móltek aýdanyndaǵy elektr qýatynyń sapasyn arttyratyn jáne osyndaǵy ındýstrıaldy aımaqqa qajetti 5 mVt elektr qýatyn taratatyn 110/35/10 kV «Komýnalnaıa» qosalqy stansasynyń qurylysy óz mejesine jetip, iske qosyldy. Osylaısha, turǵyndardyń ıgiligin eselep, ındýstrıaldy aımaqtaǵy kásiporyndardyń kókjıegin keńeıtetin nysan zaman talabyna saı sapaly qyzmet kórsetetin bolady.

Túrkistanda ashylǵan 9 áleýmettik nysannyń sońǵysy - qaladaǵy sarqyndy sý júıesiniń qurylysy edi. Esterińizde bolsa, 2014 jyldyń kúzinde Túrkistanda «ǵasyr jobasy» dep atalǵan sarqyndy sý tazalaǵysh stansasy jáne sarqyndy sý júıeleri iske qosylyp, aqparat quraldary respýblıka kóleminde súıinshilep, jańalyq taratqan-dy. Osy jumystardyń jalǵasy retinde 70,2 mln. teńgege  bıyl taǵy da qala ishilik sarqyndy sý júıesi júrgizilip, 13 bilim mekemesi, ortalyq kitaphana men halyqqa qyzmet kórsetý ortalyǵy osy ortalyqtandyrylǵan sarqyndy sý júıesine qosyldy.

Túrkistandaǵy toı munymen ǵana shektelmeıdi. Mereke aıasynda shaharda ózge de is-sharalardy uıymdastyrý josparlanǵan. 18 jeltoqsanǵa deıin Táýelsizdik merekesin toılaıtyn kıeli óńir jurtshylyǵy áli qaıyrymdylyq sharalarmen qatar, rýhanı jan dúnıeni baıytatyn qala men aýyldardaǵy mádenı keshterdiń de kýási bolady. Odan bólek sporttyq saıystardan oblystyq, qalalyq birinshilikterdiń týy kóteriledi.