Aqyn Almas Ahmetbekulynyń «Kók týdyń jelbiregeni» óleńi atamekenge degen ystyq saǵynyshtan týǵan. Qandasymyz Qazaqstan Táýelsizdigin alǵanda alǵashqylardyń biri bolyp, elge oralǵan.
«Elge oralyp kele jatqanymda «Qorǵas» beketinde jelbirep turǵan kók Týymyzdy alǵash ret kórdim. Shaǵyn ǵana shatyrly úı bolatyn. Sonyń tóbesinde turǵan Týymyz jelmen lapyldap, óz tilinde dybys shyǵaryp turǵan sıaqty kórindi», - dep eske alady aqyn.
Erekshe kórinisten aqynnyń kóńili alaburtyp, shabyty oıanady.
«Kók týdyń jelbiregeni,
Baqyttyń eljiregeni.
Qıyrda qalǵan qazaqtyń,
Kóziniń móldirgeni...», - degen joldar sol jerde týady.
Almatyǵa kelgen soń, ózge shýmaqtary jazylady. Al 2000 jyly kompozıtor Ermurat Zeıiphan osy óleńge arnap, án shyǵarady, dep habarlanǵan «Qazaqstan» telearnasynyń saıtynda.
Bul án bastapqyda birneshe daýysta operalyq baǵytta jazylyp, radıodan berilip júredi. Sol kezde án jas ánshi Ibragım Eskendirdiń qulaǵyna shalynyp, ol ándi dombyraǵa salyp, aıta bastaıdy.
2011 jyly Qazaqstan Respýblıkasy Táýelsizdiginiń 20 jyldyq mereıtoıyna oraı ánshi «Qazaqstan» ulttyq arnasynyń qoldaýymen «Kók týdyń jelbiregeni» ánine beınebaıan túsiredi.
