Taıaý ýaqytta baǵam bir dollar úshin 400 teńgege jetýi múmkin. Mundaı boljamdy qostanaılyq "Nasha Gazeta" basylymyna bergen suhbatynda ekonomıka ǵylymdarynyń kandıdaty, A.Baıtursynov atyndaǵy QMÝ ǵylym basqarmasynyń basshysy Andreı Koval aıtty.
"Men teńgeniń quldyraýyn munaı baǵasynyń túsýimen baılanystyryp jatqan sarapshylardyń qatarynan emespin. - dep málimdedi sarapshy. - Árıne, munaı baǵasy ulttyq valútaǵa aıtarlyqtaı áserin tıgizedi, biraq men, birinshi kezekte, teńgeniń quldyraýyn óndiris sektorymen baılanystyramyn. Shaǵyn jáne orta bıznes qysym kórip otyr. Olardy damytý úshin damýdyń naqty baǵdarlamalary qajet, biraq olar bizde qazirgi ýaqytta rásimdeý satysynda. Kredıt-qarjy mehanızmderi de jumys istemeıdi. Ulttyq bank bolsa, ókinishke qaraı, jaǵdaıǵa postfaktým áser etýdi biledi, al mehanızmderi joq".
Ekonomısiń aıtýynsha, halyq valúta naryǵyndaǵy jaǵdaıǵa úreımen qarap otyr, bul qaterdiń bar ekenin kórsetedi. "Barlyq osy faktorlar taıaý ýaqytta teńgeniń ekonomıkalyq damý deńgeıimizge sáıkes orynǵa deıin baratynyna ákep soqtyrady. Soryp-qazyp satýdan emes, naqty óndiretin taýarymyzǵa baılanysty tabys alamyz. 2016 jyldyń naýryzynda dollardyń quny 350 teńgege deıin jetedi dep aıtqanmyn, biraq boljamym erte oryndalyp qoıdy. Kelesi psıhologıalyq sıfr - dollar úshin 400 nemese 500 teńge bolady, al eýronyń quny mańyzdy bolmaı qalady. Adamdar da, bıznes te osy jaǵdaılarda ómir súrip úırenýi kerek. Ulttyq valútanyń nyǵaıýyna sep bolatyndaı faktorlar joq, munaıdyń da qymbattaýyna sebep joq. Menińshe, Brent markasynyń quny barreline 15-10 dollarǵa deıin túsip ketedi, al keıin kómirsýtekter energetıkada basym rolinen aıyrylýy da múmkin", - dedi ekonomıs.
Eske salaıyq, ótken aptada amerıkalyq valútanyń baǵamy munaı baǵasynyń tómendeýiniń fonynda elimizde aıtarlyqtaı ósti. 14 jeltoqsanda aıyrbas pýnktteri dollardy 340 teńgege satyp jatty. Kelesi kúni ulttyq valúta qaıta nyǵaıyp, dollar úshin 335-337 kórsetkishinde turdy.
«Qamshy» silteıdi
