Búgin Almatyda 1986 jylǵy Jeltoqsan oqıǵasynyń 29 jyldyǵyna oraı, «Táýelsizdik tańy» monýmentine gúl shoqtaryn qoıyp, taǵzym etý rásimi uıymdastyryldy. 

Sharaǵa Almaty qalasynyń ákimi Baýyrjan Baıbek, «Nur Otan» partıasynyń Almaty qalalyq fılıaly tóraǵasynyń birinshi orynbasary Záýresh Amanjolova, Qazaqstannyń Halyq jazýshysy, kórnekti aqyn Muhtar Shahanov, kompozıtor Hasen Qojahmet, jergilikti memlekettik organdardyń basshylary, Jeltoqsan oqıǵasyna qatysýshylar jáne qala turǵyndary qatysty.

Áskerı orkestrdiń súıemeldeýimen «Táýelsizdik tańy» monýmentine Almaty qalasynyń basshylyǵy, Almaty jastary jáne Jeltoqsan oqıǵasyna qatysýshylar atynan gúl shoqtary qoıyldy. Budan keıin bir mınýt únsizdik jarıalandy. Sodan soń, Jeltoqsan oqıǵasynda qurban bolǵan bozdaqtardyń rýhyna baǵyshtalyp quran oqyldy. Shara sońynda «Juldyz» meıramhanasynda 1986 jylǵy Jeltoqsan oqıǵasynda qurban bolǵan bozdaqtardy eske alýǵa arnalǵan as berý uıymdastyrylǵandyǵy jáne bul úshin  arnaıy avtobýstardyń belgilengeni jarıalandy. Sharadan shyqqandardyń birqatary sol avtobýstarǵa otyryp jatty. Sonymen qatar, Jeltoqsan oqıǵasyna qatysýshylardyń belsendi músheleri kelgen jurtshylyqqa Jeltoqsan oqıǵasyna arnap patrıottyq rýhta óleńder oqyp berdi.