Media Link Agency jáne 31 arna «Jyl otbasyn» marapattady.

10 jeltoqsanda «Arman» kınoteatrynda erekshe kóńil kúı ústemdik etti. Osy jerde «Jyl otbasy» syıynyń ıegerlerin marapattaý rásimi ótken bolatyn.

Balalardyń belsendiligin arttyrý úshin birneshe oryndar daıyndaldy. Merekeni uıymdastyrýshy «Aınalaıyn» kompanıasynyń alańynda ata-analar men balalar san túrli sýretter aldy. Elena Snejko bastaǵan top ári shyǵarmashylyq, ári paıdaly demalys uıymdastyrdy. Aıtpaqshy, Snejkolar otbasy da - «Jyl otbasynyń» qatysýshylary. Balalarǵa arnalǵan sheberlik synybynda shyǵarmashylyq uıym balalar men ata-analarǵa sýret salýdyń jańa ádisterimen tanystyrdy. Sonymen qatar, «Mandalaterapıa» jaıynda sóz qozǵaldy. Ár ata-ana óz balasyn sýret úıirmesine jazý múmkindigine ıe boldy.

Qazaqstandyqtar kisi qyzyǵarlyq ári shabyt beretin biregeı otbasylarǵa eki aı boıy daýys berýden aıanyp qalmady. Qatysýshylar arasynda túrli otbasylar boldy – nekelerin endi ǵana qıdyrǵandar nemese birneshe jyldyq mereıtoılaryn toılaǵandar, shyǵarmashylyqpen, sportpen, qaıyrymdylyqpen, ónermen aınalysyp, jańa jobalar jasap, qoǵamǵa paıdasyn tıgizgen otbasylar qatysty. Olardy biriktirgen – bir-birine, balalaryna, istep júrgen isine degen mahabbat.

Keshtiń shymyldyryǵyn ashqan «Ýlybka» mýzyka-estradalyq teatry. Balalar alǵashynda myń burala bıledi, sodan soń otbasy men anaǵa arnalǵan án shyrqady. Olarǵa kórsetken kórmermenniń qurmeti de erekshe.

Merekeniń júrgizýshisi Roman Mıronov qatysýshylardy retimen shaqyryp, saltanatty túrde dıplomdar men Orchestra balalar kıim dúkeniniń, «Syrlasý», «Sezon» jýrnaldarynyń jáne Qazaqstannyń otbasylyq bıznes Asosıasıasynyń arnaıy syılyqtaryn tapsyrdy.

Bıylǵy «Jyl otbasy» ataǵyn rekordtyq 4616 daýyspen Baısarınder áýleti ıelendi. Olar «Nur» balalar úıiniń negizin qalaǵan. Otbasylyq qaıyrymdylyq úıiniń qurylǵan 17 jylynda 350-deı bala qamqorlyq kórgen. Media Link Agency bul otbasyǵa syılyq retinde teledıdar usyndy.

Marapattaý kezinde qonaqtardyń kóńilin Mutyrǵanovtan Smile shoýy kóterdi. Akrobattardyń ónerin úlken-kishi demin ishine tarta otyryp tamashalady. Margarıta Belskaıa keshti ásem ánimen árledi.

Qonaqtar úı bálishterinen dám tatyp, «Slıvkı» kondıterlik ortalyǵy dastarhandy táttige toltyrdy. Raimbek Bottlers kompanıasy Frutta Mix shyrynyn, kishkentaı qonaqtarǵa Junior shárbatyn usyndy. Sweet Treat muzkámpıtterimen búldirshinderdi qýantty. «ChaıKoffskıı» sháı úıiniń býy burqyraǵan sháıi men kofesi syrttaǵy sýyqty lezde umyttyryp jiberedi. Keshke kelgen jas ta, jasamys ta tátti maqtaǵa kezekke turdy. Space Multimedia 360 galereıasyndaǵy «Vremá Dalı» kórmesine tegin bıletter taratyldy.

«Asyl Arman Qazaqstan» kompanıasy ónimderi týraly aıtyp, tabıǵı zattardan jasalǵan, zere maıy men suıyq kálsıden turatyn «Densaýlyq jıyntyǵyn» syılady.

Otbasylyq meıramǵa TengiFM, JuldyzFM radıolary, qamshy.kz aqparattyq portaly, Meloman, Marwin dúkender jelisi qoldaý kórsetti.

Keshtiń sharyqtaý kezi 26 qarashada premerasy ótken «Horoshıı dınozavr» múltfılmin kórsetý kezinde boldy. Qonaqtar tek keremet kóńil kúıge emes, estelik sýretter men syılyqtarǵa ıe boldy.

«Jyl otbasy 2015» marapattaý rásimi qalaı ótti?