Bizdegi jol erejeleri jol-kólik qatynastaryn rettegennen góri, júrgizýshilerdi neǵurlym kináli etip, aıyppul salý maqsatymen jasalatyndaı. Jol-kólik qozǵalysyn rettep, jolda týǵan qıyndyqtardy sheshýi tıis jol-patrýldik polısıa qyzmetkerleri de kóbinese negizgi mindetterin umytyp, júrgizýshilerdiń qandaı da bir aıybyn tabýǵa, tipti, jol erejesin buzýǵa ıtermelep jatady.

Vıdeodaǵy jaǵdaı da polıseılerdiń júrgizýshilerdi jazalaýdy maqsat etken jumysynyń kórinisi. Almaty-Talǵar tas jolynyń «Magným» saýda úıi tusynda buryn kólikter burylyp júrgen jerge tutas qos jolaq túsken. Endi jol polısıasy sol tusty torýyldap, álgi jolaqty amalsyzdan kesip ótken júrgizýshilerge aıyppul salýdy ádetke aınaldyrǵan. Biraq, tutas jolaqty kesip ótpeý týraly talap, polısıa qyzmetkerlerine arnalmaǵandaı...

Memlekettik tirkeý nómiri A889KR jol-patrýldik polısıasynyń qyzmettik kóligi kólikter legine kedergi týǵyzyp, ruqsat etilmegen jerden burylyp ketti.