Lımon qosylǵan sháı tumaý tıgende, tynys alý joldary qabynǵanda, óte jaqsy kómek beredi. Shóldi qandyryp qana qoımaı, júıke jumysyn rettep, qan qysymyn tómendetip, qan joldaryn tazalap, revmatızmdi jazýǵa kómek beredi. Tisti aǵartý úshin tis pastasyna lımon shyrynyn eki tamshysyn qossańyz jetip jatyr. Tisti aǵartyp qana qoımaı qyzyl ıektiń qanaýyn men qabynýyn tómendetedi. Ýlanǵanda shyrynyn jyly sýǵa salyp, ishse, toksınderdi shyǵarady.
Sonymen qatar, júrek álsiz bolǵanda, lımon qabyǵyn shaınaıdy. Murynnan sý aqqanda, 4 tamshy shyryndy muryn qýysyna kúnine birneshe ret tamyzady. Muryn qanaǵanda shyrynǵa maqtany batyryp, qoıady. Angına kezinde 1 staqan jyly sýǵa jemistiń shyrynyn aralastyryp, tamaqty shaıady. Lımon qan qysymy joǵarylaǵanda, aterosklerozda, asqazan aýrýynda, ót jolynda tas bar kezde, paıdalanýǵa bolady.
Lıomonnyń teri kútimindegi paıdasy:
Qurǵaq ári sezimtal terini ylǵaldandyrý úshin 8 sháı qasyq joǵary surypty ósimdik maıyna 4 sháı qasyq lımon shyrynyn men 2 sháı qasyq baldy ydysqa salyp, aralastyryp jaǵady. Lımon teriniń maılylyǵyn azaıtyp, bezeýden de aryltýǵa paıdaly. Bir jumyrtqanyń aqýyzy men lımon shyrynyn aralastyryp, 20 mınýttan keıin jýyp tastasa, teri tazalanady. Teri kúıgende lımonnan kompres jasap, 1 kún baılap ustańyz. Jazylýdy tezdetedi.
Kúndelikti ómirdegi lımonnyń paıdasy:
Lımon kıimge tamǵan daqtardy ketiredi. Bylǵary kıimińizge sıa tamyp ketse, lımon shyrynyna batyrylǵan shúberekpen súrtińiz. Kıimge flomaster ne marker tıgizip alsańyz, az ǵana lımon shyryny men tuz seýip qoıyp, keıin jýyp tastańyz. Metal ydysty lımon qabyǵymen súrtseńiz, jarqyrap shyǵady.
Úıińizge qumyrsqa úıir bolsa, júretin jolyna lımon shyrynyn nemese 2 tiligin tastasańyz, qaıtyp ketedi. Kókónis salynǵan ydystyń arasyna 1 dana lımon salsańyz, kókónister uzaq saqtalady. Sarǵaıyp ketken kıimdi qaınaǵan sýǵa lımon shyrynyn qosyp jýsańyz, túsi ornyna keledi. Mıkrotolqyndy peshtiń jaǵymsyz ıisinen arylý úshin, sýǵa birneshe tamshy lımon shyrynyn qosyp, sýdy keıin sýytyp, tońazytqyshqa salyp qoıyńyz. Iisin tez ketiredi.
Úı kómekshisi lımonnyń otany Úndistan, Úndi Qytaı, Ońtústik Qytaı. Bıiktigi 89 metrge jetetin bul ósimdiktiń úıde ósiriletini 2 metrge deıin jetedi. 60 jyl jasaıtyn lımon aǵashy úı jaǵdaıynda 40 jyl ómir súredi. Ony babyn jasasańyz árıne, odan ary taǵy 10 jyl qosady. Alǵashqy jemisin, 10 jyl, uzaq kútýińizge týra keledi, baıaý ósedi. Baıaý óskenimen, sizdiń úıińizge ákeler paıdasy shash etekten.
Keńester neke.kz saıtynan alyndy
