Jarty jylǵa sozylǵan elimizdegi aıtýly án básekesi «Qazaqstan daýysynyń» úshinshi maýsymy sheshýi synǵa taıady, - dep habarlaıdy telearnanyń baspasóz qyzmeti.

Birneshe aptadan beri «Qazaqstan» Ulttyq arnasynyń tikeleı efırinde kórermenniń daýys berýimen úzdikter iriktelýde.

Qazir 16 ánshiniń ishinen kópshiliktiń tańdaýy boıynsha 4 laıyqty ónerpaz ǵana qaldy. Aldaǵy jeksenbide osy tórttiktiń arasynan kimniń jeńimpaz atanyp, bas júlde 5 mln. teńgeni ıelenetini anyqtalady. Básekeniń fınaldyq saıysy óte tartysty ári qyzyqty bolady. Úmitkerler birneshe márte án shyrqaıdy. Alǵashqy kezeńde elimizdiń tanymal juldyzdarymen jup bolyp óner kersetse, ekinshi kezeńde tálimgerlerimen qosylyp án salady. Al úshinshi synda jeke-jeke sheberligin synaıdy. Bul joly tálimgerler shákirtterine kómektese almaıdy. Jeńimpazdardy tek kórermen daýys berý arqyly sheshedi.

Rústem Nurjigittiń tobynan qytaıdan kelgen qandasymyz Jánnat Ádilhanqyzy baq synaıdy. Onyń rettik nómiri - 9. Madına Sadýaqasovanyń shákirti Erbol Tájibaev, rettik nómiri - 16.Nurlan Albannyń shákiriti Muratbek Haırolda 3-shi rettik nómir boıynsha synǵa túsedi. Almas Kishkenbaevtiń shákirti Dıana Ismaılovanyń nómiri -7.

Tikeleı efırdegi tartysqa toly án saıysty «Qazaqstan» Ulttyq arnasynan osy jeksenbide tamashalaı alasyzdar.