Shyǵys Qazaqstan oblysynda «Ertis» áleýmettik kásipkerlik korporasıasynyń tóraǵasy Manarbek Saparǵalıev paramen ustaldy.
Jemqorlyqqa qarsy qyzmet ókilderi aqshany sanap alyp jatqan jerinde onyń ústinen túsken, - dep habarlaıdy «KTK» arnasy.
Osylaısha Saparǵalıev deldaly jetkizgen 1 mıllıon 200 myń teńgeni alyp jatqanda abdyrap qaldy. Quzyrly organ málimetinshe ol bul aqshany ózine baǵynyshty kásiporyn dırektorynan alǵan kórinedi.
Óıtkeni para bermeseń jyly ornyńnan qýamyn dep qorqytqan eken. Manarbek Saparǵalıev ár jyldary Almatydaǵy Almaly jáne Bostandyq aýdandary ákimderiniń orynbasary qyzmetin atqarǵan. Al Shyǵys Qazaqstan oblysynda Óskemen jáne Rıdder qalalarynyń ákimi bolyp ta jumys istedi.
