Almaty qalasynyń Bostandyq aýdandyq soty SCAT áýe kompanıasy "jala japty" dep aıyptaǵan jýrnalıs Sergeı Kımdi aqtady dep habarlaıdy informburo.kz saıty.
Almaty qalalyq soty baspasóz qyzmetiniń habarlaýynsha, kompanıa Kımniń "jala japqanyn dáleldeı almaǵan". Sýdıa Elena Kvan sot jýrnalıske "jala jabý" aıybymen sotqa tartylǵany úshin keshirim suraıtynyn aıtyp, SCAT kompanıasyn Sergeı Kımge sot shyǵyndary úshin 300 myń teńge qarjy tólep berýge mindetteıtin sheshim shyǵarǵan.
"Radıotochka" portalynyń jýrnalısi Sergeı Kım maýsym aıynda SCAT kompanıasy "álemdegi eń qaýipti kompanıalardyń biri" ekendigi týraly maqala jarıalaǵan. Budan soń kompanıa jýrnalısi "tekserilmegen jáne shyndyqqa saı kelmeıtin, kompanıanyń iskerlik bedeline nuqsan keltiretin" aqparat taratty dep sotqa shaǵymdanǵan.
