Búgin halyqaralyq kóshi-qon kúni. 1990 jyly dál osy kúni BUU – nyń joǵaryǵy keńesinde barlyq eńbekshi-mıgranttardyń quqyqtary men olardyń otbasy músheleriniń quqyqtaryn qorǵaý týraly halyqaralyq konvensıa qabyldanǵan.
Osyǵan oraı, 2000 jyldan bastap Birikken ulttar uıymy ár jyly 18 jeltoqsandy Kóshi-qon kúni retinde atap ótýde. Ústimizdegi jyldyń halyqaralyq kóshi-qon jaǵdaıy Taıaý shyǵys pen soǵys oshaǵyndaǵy elderden Eýropaǵa aǵylǵan bosqyndarmen este qalýda. Al, Qazaqtar she?
Jumyr jerde adamzat jaralǵaly ataýly bir kún bolmasa da, ár mezgil saıyn kóship-qonǵan halyqymyzdyń mańdaıyna «máńgilik kósh» jazylǵan sekildi. Ol – búginde tarıhshalardyń kóbi bizdiki edi dep kartaǵa túsiýge dáti jete bermeıtin uly dalanyń sheti men sheginde shubalǵan kósh. Táýelsizdikten keıingi Qazaq jeriniń keshegi, búgingi jáne erteńgi kóshin syrttaǵy 5 mıllıon qandastyń kóshi, aýyldaǵy qazaqtyń qalaǵa kóshi, qalada qazaqtyń páterden páterge kóshýimen ǵana sıpattaýǵa bolatyn sıaqty. Al, osy jyldyń Qazaq kóshindegi eń mańyzdy oqıǵasy Memleket basshysy Nursultan Nazarbaev «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıýy boldy. Kósh baısaldy, qonys jaıly bolsyn, Aǵaıyn !
Álibek Ydyrystyń G-Global - kommýnıkatıvtik alańyndaǵy paraqshasynan
