Shymkent qalasynda qazaqstandyq mashınajasaýshy ınjenerler qurastyrǵan tuńǵysh elektromotosıkldiń tusaýy kesildi, - dep habarlaıdy «Qamshy» portaly Tengrinews.kz-ke silteme jasap.

KARLSKRONA LC AB ınjenerlik kompanıasynyń bas dırektory Ýálıhan Ahmetovtyń málimdeýinshe, bul kóliktiń ortasha satylym baǵasy 10 myń AQSH dollary kóleminde bolmaq. Sondaı-aq, ol bul qazaqstandyq alǵashqy elektrli motokóliktiń konsept nusqasy ekendigin, ony tolyqtaı qurastyrý isi kelesi jyly qolǵa alynatyndyǵyn aıtqan.

«Bul kóliktiń quny shamamen 10 myń dollar, ıaǵnı 3-3,5 mıllıon teńge kóleminde bolady. Kólik 220 volttyq ádettegi jeliden qýattanady. Ol úshin eshqandaı da arnaıy jabdyq pen orynnyń qajeti joq», - deıdi Ý. Ahmetov. Onyń ıtýynsha bir ret tolyq qýattandyrylǵan batareıa 2,5 saǵatqa nemese 200 shaqyrym jol júrýge jetkilikti kórinedi. Saǵatyna 114 shaqyrymǵa deıin jyldamdyqpen júre alady.

Motosıkl modeli tolyqtaı qazaqstandyq ınjenerlerdiń qıalynan týǵan. Otandyq ınjenerler ony ázirleý úshin bir jarym jyl eńbektenipti. Motosıkl tek elektrli qozǵaltqyshpen jabdyqtalǵan, benzın, basqa da jaǵar maı quıý múmkindikteri qarastyrylmaǵan.