«Nur Otan» partıasy janynan buqaralyq aqparat quraldary jónindegi qoǵamdyq keńes quryldy, - dep habarlaıdy «Qamshy» portaly partıanyń baspasóz qyzmetine silteme jasap.

Partıa tóraǵasynyń birinshi orynbasary Asqar Myrzahmetovtiń usynysymen keńeske eldegi jetekshi BAQ basshylary enip otyr. Ázirge keńes quramyna engen Qazaqstan jýrnalıser odaǵynyń tqraǵasy Seıitqazy Mataev, «Egemen Qazaqstan» gazetiniń prezıdenti Saýytbek Ábdirahmanov, «Qazaqstanskaıa pravda» gazetiniń basshysy Aleksandr Tarakov, «Central Asia Monitor» gazetiniń bas redaktory Bıgeldi Ǵabdýllın, «Qazaqstan» ulttyq telearnasynyń basshysy Nurjan Muhamedjanova men «Nur Medıa» holdıńiniń bas dırektory Janaı Omarovtyń esimderi belgili.

Keńeste otandyq BAQ-tyń mańyzdy problemalary talqylanyp, olardy sheshý joldary qarastyrylmaqshy eken. Alǵashqy otyrysta keńes músheleri daǵdarys jaǵdaıyndaǵy BAQ jumysy, aqparattyq saıasat máselelerin talqylady. Aımaqtyq gazet-jýrnaldar men memlekettik tildegi saıttarǵa qoldaý kórsetý jaıyna nazar aýdaryldy.

Asqar Myrzahmetovtiń usynysymen kelesi basqosýda memlekettik aqparattyq saıasat aıasyndaǵy memlekettik tapsyrys máselesi talqylanatyn bolyp sheshildi.