Jarıa etý aksıasy aıasynda búgingi kúni 447 mlrd. teńge zańdastyrylǵan. Bul týraly QR Qarjy mınıstrliginiń baspasóz qyzmeti habarlady.
QR Qarjy mınıstrligi taratqan aqparatqa sáıkes, búgingi kúni barlyǵy 447 mlrd teńge zańdastyryldy, onyń ishinde Qazaqstan aýmaǵyndaǵy múlik boıynsha 362,1 mlrd teńge, el aýmaǵynan tys jerdegi múlik boıynsha 1 mlrd teńge, al jarıa etilgen aqsha somasy 83,9 mlrd teńgeni qurap otyr. Bul aksıanyń qarqynyn jaqsartý úshin zańnamaǵa túzetýler engizildi. Osy ózgerister jarıa etý prosesin aıtarlyqtaı jeńildetip, zańdastyrý sýbektilerine qosymsha kepildikter usynýǵa múmkindik beredi.
Aqshany zańdastyrý rásimi túbegeıli jeńildetilip otyr. Endigi ýaqytta aqshany eki jolmen jarıa etýge bolady. Birinshisi, aqshany banktegi esepshot arqyly kórsetip, ony 10 paıyzdyq alym tólemeı paıdalaný múmkindigi beriledi. Ekinshisi, sheteldegi nemese qolma- qol aınalymdaǵy aqshany banktegi esepshot arqyly kórsetpeı jarıa etýge bolady. Biraq bul rette búdjetke 10 paıyzdyq alym tólenedi.
Múlikti jarıa etý rásimderi de aıtarlyqtaı jeńildetilgen. Endi Qazaqstan aýmaǵynda ornalasqan jáne tıisinshe resimdelgen múlikti zańdastyrý úshin memlekettik kirister organdaryna tıisti deklarasıa men ilespe qujattardy tapsyrý jetkilikti. Shetelde ornalasqan múlikti jarıa etý tártibi de osyndaı. Iaǵnı, artyq býyn - memlekettik kirister organdary janyndaǵy komısıalar taratyldy.
Aıta keteıik, jarıa etý aksıasynyń aıaqtalýy men jalpyǵa birdeı deklarasıalaý prosesiniń bastalýyn úılestirý úshin amnıstıa merzimi 2016 jyldyń 31 jeltoqsanyna deıin uzartylyp otyr.
