Jas ánshi Tóreǵalı Tóráli áleýmettik jelide Erke Esmahandy kelin qylyp alǵysy keletin nıetin aıtyp, jurtty taǵy bir shýlatty. Symbatty jigittiń bul qalaýy ras-ótirigin bile almaı tyńdarmandar dal bolýda, - deıdi nur.kz.
Men soǵyp em, sen maǵan alo dediń,
Sosyn men de ótirik alo dedim)
Ásem án, órnektelgen óleń bolsa
Bas barmaqpen beredi baǵany elim,
Eki aptada mıllıon aqsha tapsa,
Osy qyzdy kelin qyp alar edim, – dep jazdy Tóreǵalı Erke Esmahan jaıly.
Qos ánshi “Alo” beınebaıanynan soń, jurtshylyqtyń nazarynan tys qalmaıtyn boldy. Endi halyq juldyzdardyń ár qımylyn baǵyp otyrady. Tóreǵalıdyń bul ázil aralas sózin árkim árqalaı qabyldaǵany anyq. Bireýler eki ártistiń de otbasyly ekenin aıtsa, bireýler Tóreǵalıdyń Erkeden jasy kishi ekenin aıtyp talasyp jatyr.
Aıta keteıik, Tóreǵalı men Erke Esmahannyń “Alo” beınebaıany kópshiliktiń kóńilinen shyqqany sonshalyq, eki aptanyń ishinde hıt týyndyny mıllıonnan astam adam tamashalap úlgergen.
