Jyljymaıtyn múlik jónindegi sarapshylar 2016 jyly páter satyp alǵysy keletinderge keńes aıtty, - dep habarlaıdy «Qamshy» portaly Tengrinews.kz – ke silteme jasap.
Qazaqstan rıeltorlarynyń Birikken asosıasıasynyń múshesi, AN Arbat Real Estate dırektory Marına Grýshına qalyptasqan jaǵdaıda taıaý ýaqytta jyljymaıtyn múlik baǵalarynyń qalaı ózgeretinin boljaýdyń qıyn ekenin, biraq baspananyń eshqashan tegin berilmeıtinin túsiný kerektigin aıtty. Sarapshy jaqsy ári jańa baspana alýshylarǵa tańdaý barda saýdalasý kerek dep keńes berdi.
Munymen qatar, Grýshına jyljymaıtyn múlik baǵalarynyń kúrt tómendeýin jáne páterlerdiń 2001 jylǵydaı 4000-5000 dollar bolatynyn kútpeı-aq qoıý kerektigin atap ótti. Alaıda, onyń aıtýynsha, satýshylarǵa tańdaý men saýdalasý múmkindigi týyp tur.
"Qazirgi ýaqytta úı salýshylar kóp jaǵdaıda satyp alýshylarǵa túrli múmkindik jasap jatyr. Al, qoldanysta bolǵan úılerge kelsek, ásirese Hrýshevtiń kezindegi úılerdiń baǵasy tómendeıdi. Qazirgi tańda bir bólmeli páterlerdiń quny 25-30 myń dollar. Biraq, árıne, munyń jańa baǵamdy esepteý boıynsha shyǵyp otyrǵanyn umytpaıyq. Osy páterlerdi satyp alýda ár ýaqytta saýdalasýǵa múmkindik bar. Bul baǵalar eki ese tómendeıdi dep aıta almaımyn, sebebi satýshylardyń saýda naryǵynan jalǵa berý sektoryna ketip jatqanyn baıqap otyrmyz. Bul bolsa óz kezeginde jalǵa berý naryǵyna áser etti - baǵalar tómendedi", - dedi ol.
"Stolıchnoe" kompanıasynyń dırektory Janı Turysov ta kelesi jyl úı satyp alatyndarǵa birneshe keńes berdi. "Bankte teńgemen aqsha jınap jatqandarǵa aıtarym, saýdanyń sáti tústi. Al baspana alýǵa dollarmen jınalǵan qarajaty barlarǵa mynadaı keńes beremin: qoldanysta bolǵan úı alǵylaryńyz kelse izdeý men tańdaýǵa kóp ýaqyt jumsańyzdar, ózderińiz de, kásibı rıeltorlar arqyly izdeýge bolady. Eger jańa úı alǵylaryńyz kelse - teńgemen bólip tóleý jaǵyn qarastyryńyzdar. Alǵashqy jarna somasy az bolǵany jaqsy. Nege? Sebebi basqa baǵamda úı salýshyǵa jańa baǵammen tóleısiz de, dollarmen jasalǵan jınaǵyńyzdy saqtap qalasyz. Al úı alǵysy keletin, biraq qarajaty joqtarǵa aıtarym, menińshe, olar aqsha jınasyn", - dedi Turysov.
Óz kezeginde, onyń pikirinshe, baspana jaǵdaıyn jaqsartqysy keletinder óz páterin satyp, jańa páter alýda paıda kóre alady. "Sebebi naryq bir qalypty emes, búginde árbir satýshy naryqtaǵy jaǵdaıdy baǵamdap otyra almaıdy. Biz óz jumysymyzda múmkindikti qalt jibergender men kelisimdar arasynda qyrýar paıda taýyp qalatyndardy kún saıyn kóremiz. Shamamen osyndaı kesteni óziniń eski páterin satyp, jańadan soǵylǵan úılerden páter alǵysy keletinderge de aıtýǵa bolady. Tipti bolmasa óziniń eski úıin dollarmen satyp, jańa úıden teńgemen bólip tóleýge páter alýǵa bolady", - dep túsindirdi sarapshy.
Qazaqstan Rıeltorlar qoǵamdyq asosıasıasynyń vıse-prezıdenti Nına Lýkánenko jyljymaıtyn múlik naryǵynda ótip bara jatqan jyly bolǵan oń áserlerdi eske aldy.
"Birinshiden, qurylys kompanıalary satyp alýshylarǵa baspana aqshasyn bólip tóleýge usynys jasady. Sońǵy birneshe aıda tipti túrli nusqa da paıda boldy - keıbir kompanıalar satyp alýshylarǵa bólip tóleýge ruqsat berip qana qoımaı, kishigirim syıaqylar da jasady. Keıbireýleri 0 paıyz aldyn ala aqysyz tólemdi sozdy", - dedi sarapshy.
Onyń aıtýynsha, jaqyn arada satyp alýshyny kelisimge kelýge yntalandyratyn jańa ónimder paıda bolady. Oǵan mysal retinde keıin satyp alýǵa múmkindik beretin jalǵa berý túrin alýǵa bolady. Sonymen qatar, ol jańa salynǵan turǵyn úılerden baspana satyp alýdy tutynýshylardyń aqshasyna qurylys júrgizbeıtin kompanıalardan alý qaýipsiz ekenin eskertti. Qaýipsiz nusqalardyń birine daıyn jyljymaıtyn múlikti satyp alý nemese qurylys aıaqtalyp, úı paıdalanýǵa berilgenge deıin buǵatta turatyn eskroý-shot ashý joly jatqyzyldy.
Jyljymaıtyn múliktiń baǵasyna kelsek, onyń aıtýynsha, baǵa ósýi de, tómendeýi de múmkin.
"Bıyl Internette shyndyqqa janaspaıtyn habarlamalar tolyp ketti. Degenmen mamandar kerisinshe dálel aıtty. Men de dál ýaqytynda qımyldaý kerek ekenin eskertemin. Uzaq ýaqyt kútkennen, eń tómengi baǵaǵa baspana satyp alý múmkindigin paıdalaný kerek", - dedi sarapshy.
Onyń aıtýynsha, qazir naryq úsh býynǵa bólindi. "Birinshi - qaıta baǵalanǵan qun, ıaǵnı adamdar óziniń jaǵdaıyna baılanysty eń qymbat baǵada baspana alýdy armandaıdy. Ekinshi - baǵa jóninde tutynýshylarmen obektıvti túrde kelisim jasap, jaǵdaıdy baǵalaı alatyn satýshylar paıda boldy. Bul satýshylar usynǵan mezanızmder - baǵaǵa jeńildik nemese aksıalardy paıdalaný arqyly tıimdi baǵada satyp alý. Úshinshi - eń tómengi baǵadan ótip, qymbattap jatqan jyljymaıtyn múlikter. Almatyda bıznes jáne ekonom segmentindegi nysandar paıda bola bastady. Jyljymaıtyn múlik baǵasy áli de ózgerip jatyr - dollar ekvıvalentinde tómenge, teńgede joǵary qaraı", - dedi Lýkánenko.
