Qazaqstan túrmelerinde búginde ekstremızm, terorızm qylmystary boıynsha aıyptalǵan 400-ge jýyq qylmysker jazasyn óteýde, - delingen Qazaqstan musylmandary dinı basqarmasynyń jyl qorytyndysy boıynsha esebinde.
Dinı basqarma maýsym aıynan bastap túzeý mekemelerinde radıkaldy kózqarastaǵy sottalýshylar arasynda túsindirý, aldyn alý jumystaryn qolǵa alǵan.
«Qazirgi tańda eldegi túzeý mekemelerinde 400 adam lańkestik, ekstremıstik áreketteri úshin jazasyn óteýde. Olardyń 150 shaqtysy radıkaldy baǵyttaǵy pikirlerinen aınymaǵan» delinedi dinı basqarma taratqan habarlamada.
Osy baǵytta sottalǵandarǵa túsindirý jumystaryn júrgizetin ımamdar keńesi qurylyp, olar 723 sottalǵan azamatpen jeke jumys istegen. Imamdar sondaı-aq 6000-nan astam sottalýshy qatysqan, kezdesýler ótkizip, dástúrli dinimizdiń negizgi qundylyqtaryn nasıhattaǵan.
Sonymen qatar, dinı basqarma taratqan habarlamada bıyl radıkaldyq baǵyt ustarnǵan 802 azamattyń dástúrli ıslamǵa oralǵany týraly aıtylady.
