QR Memlekettik hatshysy Gúlshara Ábdiqalyqova L.Gýmılev atyndaǵy Eýrazıa ulttyq ýnıversıtetindegi dárisinde qazaqstandyqtardy elimizdiń patrıoty bolýǵa shaqyrdy, - dep habarlaıdy «Qamshy» portaly Baq.kz – ke silteme jasap.

 «Sportshymyz Ilá Ilın - naǵyz patrıot. Jýyrda ótken jarysta ol jańa ánurandy qoıýdy talap etti. Biz onyń qolyn júreginiń tusyna qoıyp, elimizdiń ánuranyn birge aıtqanyna kýá boldyq. Sondaı-aq, bıyl 13 jastaǵy jasóspirim Oral qalasynda sýǵa batyp bara jatqan eki qyzdy qutqaryp qaldy. Erjúrek bala eki qyzdy kezektep qutqardy. Bul da patrıottyqtyń belgisi. Jáne de 2011 jyly «Halyq qaharmany» memlekettik nagradasy qyzmette qaza tapqan polısıa kapıtany Ǵazız Baıtasovqa berildi. Ol birneshe adamdy óltirgen qaýipti lańkesti quryqtady. Bul da patrıottyqtyń belgisi. Biz de elimizdiń patrıotymyz, óıtkeni biz árqaısymyz eńbek etip, elimizdiń damýy men gúldenýine úles qosyp jatyrmyz», - dedi memlekettik hatshy.
G.Ábdiqalyqova qazaqstandyqtardy elimizdiń patrıoty bolýǵa shaqyrdy. Sondaı-aq, memlekettik hatshy tyńdaýshylar nazaryn Nursultan Nazarbaevtyń memleket qaıratkeri retindegi tulǵalyq aýqymyna, ásirese Elbasynyń "qazaqstandyq ekonomıkalyq jáne áleýmettik taǵajaıyp qubylys" dep atalatyn «Qazaqstandyq Jolyn» álemge tanytqan beıbitshilik pen kelisim saıasatyna aýdardy.

Búgin QR Memlekettik hatshysy Gúlshara Ábliqalyqova L.Gýmılev atyndaǵy Eýrazıa ulttyq ýnıversıtetinde «Qoǵamdyq kelisim men jalpyulttyq birlikti nyǵaıtýdaǵy Elbasy N.Á. Nazarbaevtyń tarıhı úlesi jáne Qazaqstan halqy Assambleıasynyń róli» atty taqyrypta aktilik dáris oqydy.
Is-sharaǵa QR Parlamentiniń depýtattary, Qazaqstan halqy Assambleıasynyń, QHA Ǵylymı-saraptamalyq keńesiniń músheleri, memlekettik organdardyń, etnomádenı birlestikterdiń ókilderi, ǵylym men óner qaıratkerleri, Astana qalasyndaǵy joǵary oqý oryndarynyń stýdent jastary qatysty.