Bıyl qarashada domınıkandyq Batıstany uryp jyqqan qazaq kásibı boksshysynyń kelesi kezdesýi qańtar aıynyń 15-i men 20-y aralyǵyna jospalanýda, - dep habarlaıdy «Qamshy» portaly.

«Ýaqytty bos ótkizbeımiz. Óıtkeni, keler aıda josparlar bar. Amerıkadaǵy komandam, promoýterlarym, jattyqtyrýshylarym qazir sol jumystarmen sóılesip jatyr. Endigi qarsylasty Kolýmbıadan WBA mamandary usynyp jatyr», – deıdi Qanat Islam. Sebebi, Qanat qazir osy tujyrym boıynsha úzdik bestiktiń qatarynda tur. Bıyl ataqty promoýter El Heımonmen kelisimshartqa otyrǵan jerlesimizdiń jekpe-jekti Qazaqstanda ótkizý jospary da joq emes.

«Múmkin bolsa osy Almaty, Astanada 21-shi kezdesýimdi ótkizýge usynystar bar. Qytaıda, Reseıde ótkizý týraly da usynystar boldy, - deıdi ol.

Orta salmaqta WBA FedeCaribe tujyrymy boıynsha «altyn beldikti» ıelengen Islam buǵan deıingi 20 kezdesýdiń barlyǵyn da aıqyn utty.