Taldyqorǵanda jergilikti turǵyn meshittiń ústinen tynyshtyqty buzdy dep polıseılerge shaǵym túsirgen. Odan nátıje shyqpaǵasyn qalanyń İİD-i men basqarmasyn da “qol qýsyryp otyrǵany úshin” kinálaǵan, - dep habarlaıdy “Qamshy» portaly NUR.KZ silteme jasap.

Turǵynnyń bul áreketi týraly sybys turǵyndar arasynda tez tarap, jurtty dúrliktirgen.

“Eldarhan Shuratbaevtyń birinshi aryzy boıynsha, «Nur» meshitine jaqyn turatyn turǵyndar arasynda saýalnama júrgizildi. Olar azan daýysyna eshqandaı shaǵymdary joq  ekenin aıtqan. Sáıkesinshe, aryzdanýshynyń meshit ákimshiligin jaýapkershilikke tartyp, aıyppul salý talaby qanaǵattandyrylmady. Odan keıin oblystyń İİD-ne meni «túngi ýaqytta tynyshtyq buzǵandarǵa (azan shaqyratyn «Nur» meshitine) shara qoldanbaǵanym úshin» qyzmetimen túsirý týraly aryz bergen. Departament Shurtabaevtyń aryzyn qanaǵattandyrmady. Odan keıin turǵyn dál solaı İshki ister mınıstri Qasymovqa aryzdanǵan. Aryzynda menimen qosa, general-maıor Úrimhanovty da durys jaýap qaıtarmaǵany úshin jazalaýyn suraǵan”, – deıdi Taldyqorǵan İİB basshysy Erlan Sansyzbaev.

Turǵynǵa bul shaǵymy orynsyz ekenin túsindirý úshin polıseıler birshama jumystar atqarǵan. Barlyq suraqtary qoǵamdyq keńeste ortaǵa salynyp, oǵan jaýap berýge atqarýshy bılik ókilderi, BAQ, tipti túrli konfesıalardyń dinı qyzmetkerleri men Aqsaqaldar keńesiniń músheleri jınalǵan. Alaıda arzydanýshy eki ret te otyrysqa barýdan bas tartyp, keńeske qatyspaı qoıǵan.

Bul jaǵdaı aqsaqaldardyń qatty ashýyna tıgen. Olar aldymen Shuratbaevty psıhıatrǵa qaratý kerek dep sanasa, keıin ashýlary tarqap, turǵyndy shydamdyraq bolýǵa shaqyrǵan.

Olar er kisiniń áńgimelesýge shaqyrtýdy alatynyna áli de úmitti.