«Nur Otan» partıasynyń qoldaýymen, «Jezbuıda» jastar qoǵamdyq birlestiginiń uıymdastyrýynda eki kúnge jalǵasqan «ErJánibek» atty respýblıkalyq fýtbol ótti dep habarlaıdy «Qamshy» portaly.
13 jeltoqsan tańerteń Qazaqstan Respýblıkasynyń ánurany áýenináń astynda, Qanat Islamuly, Jeńis Túrkıauly, Tolqyn Aqanuly qatarly aıboz azamattardyń qatysýynda asa qyzý mereımen shymyldyǵyn ashyp, respýblıkanyń ár oblysynan kelgen, atajurtqa oralǵan qandastardan quram tapqan on jeti komanda arasynda ótken sátti saıys 14 jeltoqsan tústen keıin Almaty qalasy «Medına» sport kesheninde shymyldyǵyn japty.
Kileń saıdyń saqa tasyndaı saıgúlikterden iriktelgen jalyndy jastar arasynda bolǵan qarajarystan kefıin, jartylaı fınalǵa «Aǵaıyn», «Jezbuıda», «Aqtaý-Ertis», «Muztaý», «Qanat», «Saýyr», «Ertis», «Orda» qatarly segiz sańlaq komanda irikteldi. Osy segiz komanda arasynda bolǵan qyzyqty da qıqýly básekede «Qanat», «Aqtaý-Ertis», «Jezbuıda», «Muztaý» tórt komanda aǵalap alǵa shyǵyp, sheshýshi jarysqa joldama aldy. «Medına» sport kesheninde ótip jatqan bul jarystyń dúbirin estip, alys-jýyqtan kelgen jankúıerlerdiń de shoǵyry molaıyp alǵan edi. tústen keıingi kórgenniń kóz meıirin qandyryp, kórmegenniń ókinishine aınalǵan aıtýly báıgeden keıin saralanǵan sańlaqtar mynadaı nátıjemen, esh talassyz jurtqa jarıa etildi.
Bul retki jarystyń «Eń úzdik qaqpashy» sılyǵyn «Aqtaý-Ertis» komandasynydaǵy Baqtıar Shýaqbaıev alsa, «Úzdik shabýylshy» sılyǵyn jalpy on bes goll soqqan «Muztaý» komandasyndaǵy Sarqytbaı Serik aldy, «úzdik oıynshy» bolyp Astanadan kelgen «Orda» komandasyndaǵy Oral marapattaldy. óz qatarynan oza shapqan osy oǵlandarǵa marapat qaǵazymen qosa, «Altyn aıaq», «Altyn dop» áshekeı kýboktary sıǵa usynyldy.
Kásipqoı boksta el namysyn qorǵap júrgen batyr Qanat Islamulynyń qurmetine jas túlekterden quram tapqan «Qanat» komandasy tórtinshi orynǵa ıelik etti. olar 50 myń teńge aqshalaı sılyq, sılyq gramotasymen jane sılyq lońqasyna qosa komanda músheleri qola medaldarmen sılandy.
Qyrkúıktiń basynda ótken Almaty qalalyq fýtbol jarysynda bas júldeni enshilegen «Jezbuıda» komandasy osy retki jarystyń úshinshi dárejeli júldesin aldy. Komanda 100 myń teńge, syılyq gromatasy, syılyq lońqasy, qola medaldarǵa ıelik etti.
Aqtaý qalasynan kelgen azamattardyń «Aqtaý-Ertis» komandasy ekinshi dárejeni ıaǵnı júldegerlik syılyqty qanjyǵasyna bókterdi. 200 myń teńgelik syılyqty, gramota, lońqa jane kúmis medaldardy moıynǵa ildi, qazaq dalasynyń batysynan almatyǵa at basyn burǵan jalyndylar.
Álhıssa, bul retki «Er Jánibek» atty aladop jarysynyń aǵa júldegerligin «Muztaý» komandasy jeńip aldy. Budan buryn da san saıystyń saıgúligi atanyp kele jatqan «Muztaýlyqtar» bul rette de óz bıigin menshiktendi. Jarystyń bas báıgesine 300 myń teńge syılyq aqshamen qosa ár kezek saıyn chempıon komandalar arasynda aınalyp otyratyndaı etip, «Er Jánibek» halyqaralyq qoǵamdyq qorynyń qarjysymen daıyndalǵan iri kúmis kýbokty qordyń prezıdenti Jeńis Túrktáuly «Muztaýdyń» komanda kapıtany Sarqytjanǵa tabys etti. Aımańdaı azamattar altynnan medal taǵyndy. Buǵan qosa on jeti komandanyń komanda jetekshilerine, demeýshilerge, tóreshilerdiń tóresi atanǵan Beken Ábiluly qatarly azamattarǵa alǵys hat usynylyp, baǵaly kitaptar syıǵa tartyldy. Sondaı-aq, marapattalǵan sportshylarǵa demeýshi oryndar usynǵan «Zerek bala» qasterli qalamy, "avtokoliktiń oryndyq qaby" qatarly otandyq ónimder tartý etildi. «Birin biri batyr dep syılaı bilgen» óser eldiń azamattarynyń selbesýinde ótken bul jasyl alań jarysy esh ókpe-renishsiz, kelesi kezekti kezdesý budan da nurly bolady degen senimmen tarasyp jatty.
Biz bastamamyzdy erekshe qoldap-qýattaǵan Nur-Otan partıasyna, alys-jýyqtaǵy aǵaıyndarǵa, júıeden aıyryqsha demegen «ErJánibek» halyqaralyq qoǵamdyq qory prezıdenti Jeńis Túrkıauly, resmı demeýshiler «Baqkeldi-2012» JSHS dırektory Tolqyn Aqanuly, «Sáttibaı» JSHS dırektory Omaráli Ádilbekuly jáne Nurlan Talypuly, "Qaınar" JSHS dırektory Elmurat Qoıshyuly, Talapqan Patqanuly, Qumar Jumaqanuly, sondaı-aq qurylyq asyp oralǵan demalysynda qymbatty ýaqytyn qıyp ortamyzǵa kelip, jastarǵa shabyt bergen Qanat Isylamuly qatarly azamattarǵa sheksiz alǵysymyzdy bildiremiz.
