Qazaqstanda avtomobıl óndirisi úsh esege azaıdy, - dep habarlaıdy «Qamshy» portaly Tengrinews.kz -ke silteme jasap.
2014 jyldyń qańtar-qarasha aılarynda elimizde 33 myń jeńil avtomobıl shyǵarylǵan. Al 2015 jyly osy ýaqyt aralyǵynda óndiris sany 10,8 myńǵa deıin qysqardy. Buǵan 2014 jyldyń ekinshi jartysynda rúbl baǵamynyń tómendeýinen Qazaqstanda jeńil avtomobılderdiń kóbeıýi sebep bolyp otyr.
"Bir jyldyń ózinde respýblıkalyq avtopark 1,2 mıllıon mashınaǵa kóbeıdi. Avtomobıl sanynyń ósý qarqynyna teńge baǵamynyń tómendeýi de áser etken joq", - dep habarlady basylym ókilderi.
Qazir jeńil avtomobılderdiń 95 paıyzy jekemenshik retinde tirkelgen. Degenmen rúbl baǵamy túsken kezde korporatıvtik avtomobıl ıeleri de avtoparktegi úlesin 3-ten 5 paıyzǵa deıin kóbeıtip aldy. "Sonymen qatar, jańa avtomobılderdiń de sany artty. Úsh jyl ishinde kóne avtomobılderdiń úlesi 80 paıyzdan 64-ke qysqarǵan. Al jańa avtomobılder úlesi 3-ten 15 paıyzǵa artty", - delingen basylym saraptamasynda.
Elimizde eń kóp taralǵan avtomobılder qozǵaltqyshtarynyń kólemi 1,5-2 tekshe metr kólikterdiń úlesinde qaldy. Sońǵy úsh jylda olardyń sany eki esege ósse, avtoparktegi úlesi 39,7-den 42,3 paıyzǵa deıin joǵarylady. Suranys az kólikterge qozǵaltqysh kólemi 1,1 sharshy metr avtomobılder jatady. Mundaı kólikter elimizde nebári 1 paıyzdy ǵana quraıdy. Degenmen sońǵy kezde mundaı avtomobılderge de suranys artyp keledi. Elimizde jyldam kóbeıip jatqandarǵa qozǵaltqysh kólemi 4,0 sharshy metrden joǵary avtomobılderdi jatqyzýǵa bolady. Olardyń sany sońǵy úsh jylda shamamen 80 paıyzǵa ósken.
