Osydan 76 jyl buryn (1939-2014) qazaqtyń aqyn qyzy, Qazaqstan Respýblıkasy Memlekettik syılyǵynyń laýreaty, Qazaqstan Respýblıkasynyń halyq jazýshysy Ońǵarsynova Farıza Ońǵarsynqyzy dúnıege keldi. Atyraý oblysynda týǵan. Atyraý memlekettik pedagogıka ınstıtýtyn bitirgen. Aýyldyq mekteptiń muǵalimi qyzmetin atqarǵan.

1966-1969 jyldary - «Komýnıstik eńbek» oblystyq gazetiniń ádebı qyzmetkeri. 1969-1977 jyldary - «Lenınshil jas» («Jas Alash») gazetiniń Atyraý, Aqtóbe, Oral oblystary boıynsha menshikti tilshisi, «Qazaqstan pıoneri» gazetiniń redaktory. 1978 jyly - «Pıoner» jýrnalynyń bas redaktory. Alǵashqy kitaby «Sandýǵash» 1967 jyly jaryq kórgen. «Melodıa», «Bespokoınaıa pora», «Gordoe pokolenıe», «Kógershinderim», «Trevogı», «Ojıdanıe solnsa», «Ozarenıe» jyr jınaqtarynyń, «Bıiktik» ocherkter jınaqtarynyń, «Bizdiń Kámshat» povesiniń, Á.Tájibaev, M.Maqataev, chılı aqyny Pablo Nerýdy shyǵarmashylyqtary týraly ádebı-syn maqalalardyń avtory. S.Vangelıdiń «Prıklúchenıa Gýgýse», «Dedýshkın mınıstr» balalarǵa arnalǵan povesterin, S.Kapýtıkánnyń, E.Evtýshenkonyń, R.Kazakovanyń, arab aqyny Ábdýrahman ál-Hamısıdiń óleńderin, P.Nerýdyń kitaptaryn qazaqsha aýdarǵan. Aqynnyń kóptegen shyǵarmalary shet tilderge aýdarylǵan.

 Qazaqstan Respýblıkasy Parlamenti Májilisiniń birinshi jáne ekinshi shaqyrylymynyń depýtaty bolǵan. «Qurmet belgisi», «Parasat» ordenderimen, medaldarmen marapattalǵan.

Aqyn 2014 jyly 23 qańtarda dúnıeden ótti.