Almaty shaharynyń burynǵy ákimi, qazir «Astana EKSPO-2017» ulttyq kompanıasynyń tizginin ustaǵan Ahmetjan Esimovtiń Astanadaǵy úıi súrilip tastalǵan, - dep habarlaıdy «Qamshy» portaly radiotochka.kz – ke silteme jasap.

Bul týraly A. Esimov keshe qazaqstandyq aqparat quraldary Bas redaktorlarymen kezdesýde aıtqan.

«Aınaldyrǵan jeti jyl ishinde Astananyń keńeıgeni sonsha, sol jaǵalaýdaǵy meniń bir úıim súriletin nysandar qataryna enip ketken. Árıne, qurylysshylar maǵan ótemaqy tóledi. Qazir men asa úlken emes úıde turyp jatyrmyn. Jaqynda bir jatyn bólme qosyp saldym. Qazir eki jatyn bólme bar. Úı úlken emes. Qazir sonda áıelimmen turyp jatyrmyn», - dedi «Astana EKSPO-2017» tóraǵasy jetekshi BAQ basshylaryna.

Oǵash málimdemelerimen tanylǵan Ahmetjan Esimov buǵan deıin 2013 jyly bir suhbatynda Almatyda úıi joq ekenin, kelinsheginiń páterinde turatynyn aıtyp, biraz qaǵytpaǵa arqaý bolǵan edi.