Búgin qazaq ınternet keńistiginde ózindik orny bar «Ádebıet portalynyń» ashylǵanyna eki jyl tolyp otyr, - dep habarlaıdy «Qamshy» portaly.
Qazaq, orys, aǵylshyn jáne túrik tilderinde qyzmet kórsetetin «Qazkontent» aksıonerlik qoǵamynyń biregeı jobasy - www.adebiportal.kz tusaýyn Qazaqstan Respýblıkasynyń Prezıdenti janyndaǵy Ortalyq komýnıkasıalar qyzmeti bazasynda QR Parlamenti Senatynyń depýtaty, Qazaqstan Jazýshylar Odaǵynyń tóraǵasy, aqyn, dramatýrg Nurlan Orazalın, M. Áýezov atyndaǵy Ádebıet jáne óner ınstıtýtynyń dırektory, fılologıa ǵylymdarynyń doktory Ýálıhan Qalıjanuly jáne Astana qalasyndaǵy zıaly qaýym ókilderi kesken bolatyn.
Búginde bul ádebı portal óz oqyrmandaryn taýyp, úlken ádebı alańǵa aınaldy, ádebıet súıer qaýymnyń kózaıymy bolyp, kópshiliktiń kóńilinen shyqty.
Aıta keteıik, osy kúnge deıin «Ádebıet portalyna» tórt tilde 3 336 elektrondy kitap júktelip, 3 180 avtordyń jeke paraqshasy ashylǵan, 200-ge tarta kitaptardyń qysqasha mazmuny, 600-den astam ádebıet taqyrybyndaǵy aýdıo-vıdeo ornalastyrylǵan jáne 1 495 bloger portalǵa óz shyǵarmalaryn ózderi qoıyp, oqyrmanmen keńinen bólisýge múmkindik aldy. Sonymen qatar, portal ádebıet áleminde kúndelikti bolyp jatqan jańalyqtardy úzdiksiz jarıalap, aqyn-jazýshylarmen turaqty suhbat júrgizip, olardyń sıasy keppegen shyǵarmalaryn der kezinde oqyrmanǵa usynyp otyr. Portalǵa aptasyna 50-60 myń, aıyna 150-200 myń oqyrman kiredi.
