Almatynyń «Qaırat» fýtbol komandasyna jańa bapker keldi. Reseılik maman Aleksandr Borodúk bas bapker bolyp taǵaıyndaldy. Bul týraly «Qamshy» portaly klýbtyń resmı saıtyna silteme jasap habarlaıdy. 

53 jastaǵy jattyqtyrýshymen Almaty klýby úsh jyldyq kelisimshartqa qol qoıdy.

Borodúktiń bapkerlik karerasy 2001 jyly «Krylá Sovetov» komandasynan bastaǵan. Kelesi jyly Reseı ulttyq quramasynyń bapkerler shtabynda jumys istedi. Arada úsh jyl ótkende Reseı jastar quramasynyń tizginin ustady. Sonymen qatar Reseı ulttyq quramasynda aǵa bapker qyzmetin qosa atqardy. Gýs Hıddınk pen Dık Advokattyń kómekshileri bolǵan. 

2013 jyly Borodúk Máskeýdiń «Torpedo» klýbyna bas bapker bolyp taǵaıyndaldy. Onyń kezinde komanda premer-lıgaǵa oraldy.

Aıta keteıik, «Qaıratty» sońǵy úsh jylda slovakıalyq maman Vladımır Vaıss jattyqtyrǵan bolatyn. Vaısstyń kezinde komanda eki ret Qazaqstan kýbogynda jeńiske jetti. Sondaı-aq úsh ret el birinshiliginde júldeger boldy.