Orta salmaqta WBC jáne WBO tujyrymdary boıynsha álemniń eks-chempıony Serhıo Martınes Gennadıı Golovkın men Saýl Alvares arasyndaǵy jekpe-jek eshqashan ótpeıtinin málimdedi. Bul týraly «Qamshy» potaly massaget.kz-ke silteme jasap habarlaıdy.

«Meniń oıymsha, «Kanelo» men Golovkın arasyndaǵy jekpe-jek eshqashan bolmaıdy. Bolmasa qazaqstandyq boksshy qandaı da bir álsizdik kezeńine jetkende uıymdastyrylýy múmkin. «Kanelo» - myqty boksshy, alaıda Golovkın bul salmaqtaǵy talassyz birden-bir úzdik. Sondyqtan da bul jekpe-jek ótpeıdi dep oılaımyn», - dedi argentınalyq boksshy.

Aıta keteıik, WBC qos boksshynyń kezdesýin mindettegen bolatyn. Keıinnen eki boksshy da ózara judyryqtasar aldynda bir-bir jekpe-jek ótkizip alýǵa kelisken edi. Boksshylardyń komandasy mamyr aıynyń sońyna deıin bir-birimen kelissózder júrgizip, kezdesý ýaqytyn belgileýleri tıis. Aldyn ala boljanǵandaı, Golovkın men Alvares arasyndaǵy sharshy alańdaǵy shaıqas 2016 jyldyń qyrkúıek aıynda ótýi múmkin.