Qazaqstandyq qor bırjasyndaǵy tańǵy saýda ulttyq valútanyń quldyraýymen bastaldy, - dep habarlaıdy «Qamshy» portaly.

Qordaǵy tańǵy satylymda AQSH dollarynyń ortasha baǵamy 331,38 teńgeni qurady. Bul – juma kúngi baǵamnan 5, 58 teńgege qymbat.

Jalpy búgingi tańǵy saýdada 15 valútalyq oıynshy qatysyp, 72 mıllıon dollar satylǵan. Dollar úshin usynylǵan eń joǵarǵy baǵa 333 teńgeni quraǵan.

Qazir kurs.kz saıtynyń málimetinshe Almatydaǵy valúta aıyrbastaý oryndarynda AQSH dollary 334 teńgeden satylýda.

Buǵan deıin Ulttyq bank tóraǵasy Danıar Aqyshev: «Adamdar Ulttyq bank valúta baǵamynyń belgili bir baǵytyn qalyptastyryp otyr dep oılaıdy. Barlyǵy biz birnárseden qorqyp, dollar baǵamyn 312 teńgege túsirdi jáne 307 teńgege deıin alyp barady degen pikirde. Esterińizde bolsa, qarasha aıynda dollar baǵamy 307-308 teńge kóleminde uzaq merzimge saqtaldy. Shyn máninde osy kezeńde kópshilik shetel valútasyn jappaı satyp alyp, teńgeniń nyǵaıýyna kedergi keltirdi» degen bolatyn.