Búgin elordada boran tútep tur. Ondaǵan avıareıster toqtatyldy nemese keıinge shegerildi. Eki aýysymdaǵy 1-9 synyp oqýshylaryna sabaq bolmaıdy. Jol qozǵalysy shekteldi, qalalyqtardyń kóshede júrýi qıyndady. 2800 birlik tehnıka qar tazalaýmen aınalysýda, - dep habarlaıdy «Qamshy» portaly QazAqparatqa silteme jasap. Boran Astana qonaqtaryn da tańǵaldyrýda. Onyń ishinde reseılik ánshi, aktrısa Vera Brejneva borandy kúni sátti qonǵan ushaq ushqyshtaryna maqtaý aıtty. Keıinge qaldyrylǵan avıareıstiń jolaýshylary áleýmettik jelide búgingi borannyń ekpinine tańdanys bildirýde. Búgin boranǵa oraı qazaqstandyq juldyz mánerlep syrǵanaýshy Denıs Tenniń baspasóz máslıhaty keıinge qaldyryldy. «Men áli áýejaıdamyn. Astanaǵa barlyq reıs toqtatyldy. Al, ýaqytym qyzyqty ótýde. Astana TK shaǵyn reportaj túsirdi. Balalarmen fotosessıa jasap úlgerdim. Maǵan habarlasqylaryńyz kelse, jazyńyzdar, aralasaıyq!», - dep jazdy D. Ten Instagramǵa. Sınoptıkterdiń habarlaýynsha, jel ońtústik-batystan, batystan 9-14 m/s, uıtqýy 15-20 m/s-qa deıin. Elordada aýa temperatýrasy túnde jáne kúndiz - mınýs 5-7°S. «Qamshy» silteıdi