«Qamshy» aqparattyq portaly 2015 jyly dúnıeden ótken tanymal tulǵalar esimderin eske salady.
Ábish Kekilbaev
Qazaq jazýshysy jáne memleket qaıratkeri 11 jeltoqsan kúni 77 jasynda baqılyq boldy. Qaraly habar qazaq qoǵamyna aýyr tıdi.
Qazaq ádebıetinde óshpes iz qaldyrǵan jazýshy keńes jyldarynda-aq laýazymdy qyzmetter atqarǵan. Joǵary Keńeste, Parlament Májilisi men Senatynda depýtat, Qazaqstannyń Memlekettik hatshysy boldy.
Kóptegen memlekettik nagradalarǵa ıe jazýshyǵa 2008 jyly «Qazaqstannyń Eńbek Eri» ataǵy berildi.
Gerold Belger
Tanymal qazaq jazýshysy 7 aqpan kúni 81 jasynda baqılyq boldy. Buna deıin ol ınfarkt alyp, jansaqtaý bólimine jatqyzylǵan bolatyn. Dárigerlerdiń aıtýynsha, ol alǵashqy ınfarkty 1978 jyly alǵan, sodan beri bes márte ınfarkt bolǵan. 1999 jyly ınsýltke ushyrady. Sondaı-aq, jazýshy qant dıabetimen de aýyrǵan.
1934 jyly Saratov oblysynda dúnıege kelshgen Gerold Belger 1941 jyly otbasymen Soltústik Qazaqstan oblysyna deportasıalanǵan. Abaı atyndaǵy Qazaq memlekettik pedagogıkalyq ınstıtýtyn támamdaǵan ol ár jyldary Jambyl oblysynda orta mektepte, «Fenıks» álmanahynda, qyzmet etken. 1994-1995 jyldary QR Joǵary keńesinde depýtat boldy.
Jazýshynyń jeke ózine tıesili 53 kátaby jaryq kórgen. Sondaı-aq, 100-den astam birlesken eńbekterdi qurastyrýǵa qatysqan.
Nurlan Balǵynbaev
14 qazanda elimizdiń burynǵy premer-mınıstri, uzaq jyldar boıy munaı-gaz salasynda qyzmet etken memleket qaıratkeri 68 jasynda aýyr naýqastan kóz jumdy. Marqum Atyraý qalasyndaa jerlendi.
Nurlan Balǵynbaev 1997-1999 jyldar aralyǵynda Qazaqstannyń premer-mınıstri boldy. «Qazaqoıl» ulttyq kompanıasynyń, «Qazaqstan munaı ınvestısıalyq kompanıasy» AQ-nyń prezıdenti qyzmetterin atqardy. Sondaı-aq, Prezıdent keńesshisi laýazymyn atqaryp, ıtalándyq Eni munaı-gaz kompanıasymen birlesken jobalardy júzege asyrýǵa atsalysty.
Nurlan Balǵynbaev syrqattanyp jatqanda Imanǵalı Tasmaǵambetov, Bolat Ótemuratov syndy elge tanymal azamattardyń naýqastyń kóńil-kúıin surap barǵany aqparat quraldarynda jarıalandy. El Prezıdenti Nursultan Nazarbaev ta Atyraý qalasyna sapary barysynda burynǵy premer-mınıstrdiń úıinde bolyp, hal-ahýalymen tanysqan edi.
Nurlan Qapparov
26 naýryz kúni Qytaıda is-saparda júrgen shaǵynda «Qazatomónerkásip» ulttyq kompanıasynyń basqarma tóraǵasy Nurlan Qapparov dúnıeden ozdy. Qazanyń sebebi júrektiń kenetten toqtap qalýy dep habarlandy.
Qapparov Nurlan Jambyluly Almaty tehnologıa ınstıtýtyn, Garvard ýnıversıtetiniń memlekettik basqarý mektebin támamdaǵan. Ár jyldary «Aksept» korporasıasy, «QazTransOıl», «QazaqOıl» syndy kompanıalarda qyzmet etti. 1991-2001 jyldary Qazaqstan Respýblıkasy energetıka jáne mıneraldy resýrstar vıse-mınıstri, 2003-2007 jyldary «Qazınvestbank» AQ dırektorlar keńesiniń tóraǵasy, keıin «Lancaster Group Kazakhstan» AQ-y dırektorlar keńesiniń tóraǵasy, 2012-2014 jyldary qorshaǵan ortany qorǵaý mınıstri laýazymdarynda boldy. 2014 jyldyń tamyzynda «Qazatomónerkásip» ulttyq kompanıasynyń basqarma tóraǵasy bolyp taǵaıyndaldy. Nurlan Qapparov kompanıa basshylyǵynda otandyq atom ónerkásibindegi Reseı yqpalyn azaıtý boıynsha eńbektendi deıtinder kóp.
Batyrhan Shókenov
29 sáýirde tanymal qazaqstandyq ánshi Batyrhan Shókenov 52 jasynda ınfraktan qaıtys boldy.
Ánshi ónerdegi karerasyn Roza Rymbaevanyń saksofonısti retinde bastaǵan bolatyn. 1988 jyly dostarymen birge «A-stýdıo» tobyn qurdy. Ánshiniń dúnıeden ozýy tyńdarmandaryna aýyrǵa soqty. 8 jeltoqsanda Almatyda Batyrhan Shókenovti eske alý konserti ótti.
Rahat Álıev
24 aqpanda Avstrıa túrmesinde óli kúıinde tabyldy. Medısınalyq saraptama marqumnyń múrdesinen kúsh qoldaný belgilerin tappady.
52 jasynda dúnıeden ótken Rahat Álıev Qazaqstanda memlekettik qylmystar jasaǵany úshin syrttaı 40 jylǵa sottalǵan bolatyn.
Mıhaıl Klenchın
12 jeltoqsan kúni qazaqstandyq tanymal zańger Mıhaıl klenchın atylyp óldi. Zańgerliń mundaı áreketke barýy kópshiliktiń kúdigin týǵyzdy.
Zańger 1980 jyly Almaty qalasynda dúnıege kelgen. Ol elimizdiń qoǵamdyq ómirine belsendi aralasty. 2007 jyldan bastap jeke zańgerlik qyzmet kórsetýmen aınalysty. «Jemqorlyqqa qarsy Birinshi medıa-ortalyqty» basqardy. «Nur Otan» partıasy janyndaǵy jemqorlyqqa qarsy kúres boıynsha keńeske múshe boldy.
