Ár halyq jańa jyldan jańa, tipti, araılap atqan árbir tańnan jańa baqyt, jańa shattyq jáne jańa tańǵajaıyptar kútetini jasyryn emes. Jańalyq ataýlydan jaqsylyq kútetin sol dástúrmen nazarlaryńyzǵa keler jylǵa arnalǵan juldyz-joramaldy usynamyz.

Toqty

(21 naýryz – 20 sáýir)

Siz ómirge ǵashyq jandardyń qatarynansyz. Únemi izdenis pen talpynysta júretin minezińiz 2016 jyly eselene túspek. Emosıaǵa toly janyńyzdy quryqtaýǵa qıyn túsetin kezeńder de bolatyny jasyryn emes. Meshin jyly oıǵa alǵan barlyq josparlaryńyzdy iske asyrý úshin tynbaı eńbek etseńiz jetkilikti. Bul jyl siz úshin asa tabysty bolmaq. Qajyrly qaırattyń arqasynda qıyndyqtardy eńserip, kemshilikterdi artyqshylyqqa aınaldyra bilýdiń altyn kiltin dál osy jyly tabatyn bolasyz.

Keler jyly iske asyratyn josparlaryńyzdy 2-ge nemese 3-ke bólip qarastyrǵanyńyz jón. Óıtkeni kezeń-kezeńge bólip atqarǵan  jospar sizge qıynǵa túspeıtin bolady. Sonymen qatar janyńyzǵa jylýlyq syılaıtyn klasıkalyq áýenderdi jıirek tyńdap, júzý men ıogaǵa qatysyp, tabıǵatta kóp serýendeńiz. Bul áreketter Meshin jyly sizge jan jylýlyǵyn beretin bolady.

Torpaq

(21 sáýir – 21 mamyr)

Siz sáttiliktiń adamysyz. 2016 jyly sizdiń basty uranyńyz «Al da, iste» bolýǵa tıis. Keler jyly ózińizge ashylǵan múmkindikterdiń kóptigimen tańdandyratyn bolady. Meshin jyly siz úshin mahabbattyń, kásipkerliktiń, órleýdiń jyly bolmaq. Bul jylda sizdiń tabystarǵa jetetinińiz sonsha­lyq – tipti sizge qyzyǵa da, qyzǵana da qaraıtyn bolady. Bul, árıne, siz úshin jaqsy.

2016 jyly sportqa kóp kóńil bólińiz. Júgirýmen aınalysqanyńyz jón. Otbasyna kóbirek nazar aýdaryp, otbasylyq saıahatqa shyǵyp tursańyz, nur ústine nur bolmaq.

Egizder

(22 mamyr – 21 maýsym)

Egizder úshin bul jyl – qaı jaǵynan qarasańyz da sátti jyl. Kez kelgen jańa bastamalar men jobalar úshin qolaıly kezeń. Siz eńbekqor, tynym tappaıtyn jansyz. Qandaı jobalar bolsa da bárine úlgerýge tyrysasyz. Bul, árıne, jaqsy. Degenmen 2016 jyly barlyq ataýly is-sharalarǵa qatysqanyńyzben, ol sizdiń ómirińizde birshama qıyndyq týǵyzady.  «Eki qaıyqtyń basyn ustaǵan sýǵa ketedi»  demekshi, shekten tys sharalarǵa bas  qatyrǵansha, ózińizge qundy jobalardy saralap, kirisińiz. San emes, sapaǵa mán berseńiz, 2016 jyl jemisti, este qalarlyqtaı bolmaq.

Shaıan

(22 maýsym – 22 shilde)

2016 jyl jańa shytyrmandarǵa toly bolmaq.  Meshin jyly Shaıan juldyznamasy úshin qyzyǵýshylyqtary turmystyq deńgeımen shektelip qana qoımaı, kelesi satyny baǵyndyrýda sáttilik ákeledi dep kórsetedi. Jańa jobalar, saıahat, jańa hobbı, mahabbat, jańa dostar tabý – bul sizdi kelesi jyly kútip tur. Shaıanda týylǵandar álemdi jańa qyrynan kórgisi keletinderi anyq. Jáne ol armandary oryndalýy ábden bek múmkin.

2016 jyly Shaıandar jańa qarqynmen áreket jasap, kóptegen maqsattary oryndalady. Árbir josparyn salmaqpen jáne abaılap qabyldaǵan sheshimderi aıyn ońynan týdyrady. Tipti josparyńyz bastapqyda sátsizdikke uryndyrsa da,  alǵan baǵytyńyzdan jańylmańyz.

Arystan

(23 shilde – 23 tamyz)

2016 jyly sizdi tolaǵaı tabys­tar kútip tur. Ózińizdi qorshaǵan adamdar tobyńyzda nazarlaryna iligip, jańa múmkindikter týǵyzady. Kúsh-jigerińizdi jańa jobaǵa nemese nátıjeli iske jumsaýǵa daıyn bolyńyz. Qaı jerge shaqyrsa da bas tartpańyz.  Arys­tanǵa tán aıba­tyńyzben barlyq máseleni op-ońaı, maıdan qyl sýyrǵandaı sheshetin bolasyz.

Sonymen Meshin  jylynda: siz jaqsy adamdarmen jolyǵasyz; bıik mansapqa jetý úshin jasalǵan qadamdar sátti bolady; jetistik pen tabys mol bolady; jubyńyzben qarym-qatynasta esh qıyndyq týmaıdy.

Bıkesh

(24 tamyz – 22 qyrkúıek)

Sabyrly qalpynda júrip, tó­zimdilik tanyta bilý – Bıkeshterdiń juldyznamasyndaǵy bas­ty artyqshylyqtardyń biri. Kelesi jyly osy artyqshylyqtaryńyzdy ózge juldyznamalarǵa qaraǵanda jemistige aınaldyrý múmkindigi óte joǵary. Sizdiń basty kemshilikterińizdiń biri – qyzǵanshaqtyq. Siz dostaryńyzdyń, áriptesterińizdiń, bóten jandardyń jetistikterin kóre almaısyz. Sol sebepti shydamdylyq tanytyńyz. Jetistikke jetý maqsatynda aınaladaǵy adamdardyń qoldaýyn kútpeı, tek ózińizge senip, áreket qylyńyz. Sonda ǵana aıyńyz ońynan týyp, tabysqa kenelesiz.

Tarazy

(23 qyrkúıek – 22 qazan)

Keler jyly Tarazylar jalaqysy joǵaryraq jumys ornyna aýysýy múmkin. Sizdiń talantyńyz ben yntańyz baǵalanyp, jumys berýshińiz tıimdi usynys jasaıdy. Meshin jyly ózimen birge sizge jaqsy múmkindikter alyp keledi. Barlyq isińiz júzege aspasa da, basymy jemisti bolatyny sózsiz. Qarjy máselesinde de juldyzdar sizge ońynan qaraıdy. Aqshańyz mol bolady. Tarazylar jaǵymdy energıasynyń arqasynda tabys­ty jumys atqarady. Basty artyqshylyqtary bolyp sanalatyn sheshim qabyldaý men maqsat qoıýy Meshin jyly tek jumysta ǵana emes, sonymen qatar úıde de, mahabbatta da sátti bolmaq.

Saryshaıan

(23 qazan – 21 qarasha)

Siz baqytty jansyz, óıtkeni ómir siz úshin barlyq kedergilerdi joıyp otyrmaq. Saryshaıannyń ómirindegi basty kemshiligi – qyzǵanysh. Sol sebepti juldyzdar ózińizdi tejeı bilýge shaqyrady. Sózderińizge ıe bolyńyz. Áıt­pese dushpandar qatary kóbeıýi múmkin. Degenmen qyz­ǵanshaq­tyqtyń da paıdasy baryn umytpańyz. Eń bastysy, qyzǵanshaq­tyq – júıelilike ákeledi. Sonyń arqasyn­da Saryshaıan óziniń maqsattaryn oryndaýǵa tyrysady. Sonymen qatar jaqynyna da kómektesýden aıanbaıdy. Meshin jyly Saryshaıan energıasynyń kóptigimen kez kelgen qıynshylyqtarǵa toıtarys berip, qarsylasyn jeńip tynady. Ózińizge senimdi bolyńyz. Maqsatqa jetý josparyn quryp, aqyryndap qadam basa berińiz.

Mergen

(22 qarasha – 21 jeltoqsan)

Meshin jyly siz úshin asa sátti bolmaq. Keler jyly sizdiń kóńil-kúıińizge jaqsy áser etetin sebep mol bolady. Kishigirim kedergiler ómirińizge áserin tıgizbeıdi. Barlyq sharýańyz jeńil ári jyldam sheshiledi. Mergenniń basty artyqshylyǵy – kózdegen nysanasyn qur jibermeıtindiginde. Sondyqtan da Meshin jyly tek belgili jobalarǵa atsalysyńyz. Kóz qyzyǵarlyq kóp is-sharalarǵa qatysqansha, bolashaqqa paıdasy bar, nátıje beretin josparlardy oryndańyz. Sondaı-aq árdaıym ózge sala boıynsha da ózińizdi jetildirýdi umytpańyz.

Taýeshki

(22 jeltoqsan – 20 qańtar)

2016 jyl – naǵyz sizdiń jylyńyz. Boıyńyzdaǵy asyp-tasyp jatqan kúsh-qýatyńyzdy durys baǵytqa bura bilseńiz bolǵany, sáttilik ózi-aq esigińizden syǵalaıtyn bolady. Qaıratyńyz kóp bolatyndyǵy sonshalyq – óz kúshińizdi tek qana jumysqa jumsap qoımaı, súıikti isińizge de tolyqqandy arnasańyz bolady. 2016 jyl sizge kúsh-qýat qana berip qoımaı, jaǵymdy jańalyqtarymen de qýantatyn bolady. Meshin jyly jańa baspana ıemdenip nemese jańa kólik tizgindep qalýyńyz ábden múmkin. Siz úshin ózgeler qyzǵanysh pen qýanysh sezimin sezinetin bolady. Óıtkeni Meshin jyly siz baqyt, shattyq, qýanysh, kúsh pen qaıratqa kenelesiz.

Sýquıǵysh

(21 qańtar – 19 aqpan)

Siz bilim men ǵylymnyń adamysyz. Al 2016 jyl dál osy saladaǵy azamattar úshin asa tabysty bolmaq. Quddy bir sıqyrshyǵa uqsap basyńyzǵa kelgen barlyq tyń oılardy iske asyratyn bolasyz. Eń bastysy, jalqaýlyǵyńyz tartyp qalmasyn. Al adamı qatynastarǵa kelgende ustamdylyq pen túsinistik tanyta bilgenińiz durys. Óıtkeni qyzba minezińizdiń kesirinen biraz janmen arazdasyp qalý qaýpi bar. Alaıda jaıdary minez tanytsańyz, ol qıyndyqty op-ońaı eńseretin bolasyz. Jańa tanystyq pen jańa qatynastar kútip tur. Alaıda adam úshin eń keregi – turaqtylyq ekenin esten shyǵarmańyz.

Balyqtar

(20 aqpan – 20 naýryz)

Sizge sáttilik únemi serik bolatynyn ózińiz jaqsy bilesiz. Alaıda keler jyly aǵysqa qarsy kóp júzbegenińiz jón. Kedergilerdi jeńý úshin aqyldy emes, parasat pen túısikti kóbirek qoldanyńyz. Jeke ómirińizde úlken ózgeris bolmaq. Bolashaq jaryńyz bolatyn jandy kezdestirip qalýyńyz bek múmkin. Alaıda qatyna­syńyzdy sýytyp almaý úshin únemi turaqtylyq tanytyńyz. Jumysyńyz birqalypty deńgeıde órbıtin bolady.